ЯҢАЛЫКЛАР

8
октябрь, 2015 ел
пәнҗешәмбе
ң яхшы хат язу дәресе.
Кече Кибәхуҗа төп мәктәбенең рус теле һәм әдәбияты укытучысы Арсланова И.М. "Иң яхшы хат язу дәресе-2015" Бөтенроссия конкурсының региональ этабында катнашып, "Хат язу дәресен үткәрүнең иң яхшы методик эшкәртмәсе" номинациясендә җиңү яулады. Бүген мәктәбебезгә конкурсны оештыручылар килеп И.М.Арслановага Диплом һәм кыйммәтле бүләк тапшырдылар.КОТЛЫЙБЫЗ!
Шармыш авылы клубында, узачак «Көзге бал» бәйрәменә әзерлек эшләре башланып китте.
«Әкияти ил» дигән бу бәйрәм кичәсендә күңелле сәхнәләр, матур җырлар, шигырьләр, биюләр булачак дип көтелә. 
3 нче октябрь көнне Шәтке урта гомум белем бирү мәктәбендә мәдәният йорты белән берлектә укучылар мәктәп укытучы коллективын котлап кичә үткәрделәр.
Укучыларыбыз һәр укытучыга багышлап теләкләр теләделәр, бәйрәм белән котладылар, рәхмәт сүзләрен белдерделәр.Яраткан укытучыларыбызга саулык-сәламәтлек, имин тормыш, күңел тынычлыгы, сабырлык һәм гаилә бәхете теләделәр.  Кичә җыр-бию белән үрелеп барды. 
7
октябрь, 2015 ел
чәршәмбе
Баландыш төп мәктәбендә тәнәфесләр бик күңелле һәм файдалы үтә.
10 -15 минут эчендә төрле уеннар уйнап, ял итеп, яңа көч туплап дәресләргә таралышалар.
Үзидарә көне.
Укытучылар бәйрәме уңаеннан Олы Мишә урта мәктәбендә үзидарә көне уздырылды. 10-11 сыйныф укучылары үзидарә көнен укытучыларны бәйрәм белән котлаудан башладылар.Атналык линейкада укытучылар коллективы укучылар буларак катнашты. Дәресләрне укучылар алып барды. Дәресләрдән соң “ Рәхмәт сиңа укытучым” дигән әдәби-музыкаль кичә үткәрелде.Үзидарә көне укытучыларга да, укучыларга да бик ошады.
Әңгәмә үткәрелде.
5 октябрь - Халыкара укытучылар көне уңаеннан Ямбулат авылы китапханәсендә китапханә каршында эшләүче "Әдәбият сөючеләр"  укучылар  берләшмәсенә йөрүче балалар белән "Укытучы - профессионал.Кем ул?" дип исемләнгән әңгәмә үткәрелде. Китапханәче Гөлия Шакурова бу әңгәмә барышында укытучының профессионал дәрәҗәгә күтәрелүенең кирәклеге, профессионал булуы укыту процессында бик әһәмиятле роль уйнавы  һәм профессионалның төрлелеге(укытучы -профессионал психолог, укытучы - профессионал актер һ.б) турында  сөйләде. 
6 октябрь көнне Урта Мишә авыл китапханәсендә,клуб белән берлектә Укытучылар көне уңаеннан "Укытучым –якты кояшым” дип исемләнгән тематик кичә үтте.
Чын укытучы–ул белем бирүче генә түгел , ә укучыны шәхес итеп тәрбияләүче дә.Укучылар белән эшләүдән канәгатьлек алу өчен актив тормыш алып баручы һәм балаларны яратучы иҗади шәхес булу зарур.Кичәгә Урта Мишә башлангыч мәктәбе укытучысы,22 ел балаларга белем бирүче Мингазова Диләрә чакырылды.Кичә барышында китапханәдә төзелгән “Матур әдәбиятта укытучы образы”исемле күргәзмәгә күзәтү үткәрелде.
6 октябрь көнне Олы Кибәхуҗа балалар бакчасында методик көн булып узды.
Район мәгариф бүлегенең "Мәктәпкәчә яшьтәге балаларга белем һәм тәрбия бирү бүлеге"  методисты Саетова А.Н. җитәкчелегендәге комиссия мәктәпкә әзерлек төркеменә йөрүче балаларның  мәктәпкә әзерлекләре буенча мониторинг уздырдылар. Комиссия составында психолог- Хазипова С.Н.,логопед- Шәймәрданова М.Н., рус теле белгече - Ярмиева З.М. бар иде. Алар балалар белән аралаштылар.  Безнең бу уку елында мәктәпкә әзерлек төркеменә  3 бала йөри. 
6 октябрь көнне Максабаш балалар бакчасында методик көн булып узды.
Район мәгариф бүлегенең "Мәктәпкәчә яшьтәге балаларга белем һәм тәрбия бирү бүлеге"  методисты Саетова А.Н. җитәкчелегендәге комиссия мәктәпкә әзерлек төркеменә йөрүче балаларның  мәктәпкә әзрелекләре буенча мониторинг уздырдылар. Комиссия составында психолог- Хазипова С.Н.,логопед- Шәймәрданова М.Н., рус теле белгече - Ярмиева З.М. бар иде. Алар балалар белән аралышып, аларның белем һәм үсеш дәрәҗәләрен тикшерделәр, рус теле буенча диагностика уздырдылар. Үзләренең файдалы киңәшләре белән ярдәм күрсәттеләр, алга таба тәрбия һәм белем бирүдә кулланырга методик киңәшләр бирделәр.
Методик көн.
Югары Кибәхуҗа балалар бакчасында  мәктәпкә әзерлек төркеме балаларының мәктәпкә әзерлеге буенча мониторинг үздырылды.Комиссия составында район мәгариф бүлегенең мәктәпкәчә яшьтәге балаларга белем һәм тәрбия бирү бүлеге методисты- Саетова А.Н., психологлар- Зиннатова Г.Р.,  Хазипова С.Н., логопед - Шаймарданова М.Н., рус теле белгече -Ярмиева З.М.бар иде. Алар балалар белән аралашып,аларның белем һәм үсеш дәрәҗәләрен тикшерделәр, рус теле буенча диагностика уздырдылар.
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International