Муниципаль районнар Теләче муниципаль районы

ЯҢАЛЫКЛАР

октябрь, 2015 ел

җомга

Күңелләребезгә яхшылык орлыгы сибүче, акны - карадан, яхшыны - яманнан аерырга өйрәтүче өлкәннәр hәрвакыт хөрмәткә лаек.

1 октябрь көнне Үзәк авылы мәдәният йортында Өлкәннәр көненә багышланган чара булып узды. Бәйрәм табыны артында алар рәхәтләнеп сөйләштеләр, серләштеләр, укучыларыбыз һәм укытучыларыбыз әзерләгән күчтәнәч - концерт программасы карадылар. Үзләрен ел саен шулай зурлап кунак иткән, хөрмәтләгән мәдәният хезмәткәрләре коллективына рәхмәт хисләрен җиткерделәр.

Илебез буенча октябрь ае башында Өлкәннәр көне уздырыла.

Төрле җирләрдә өлкәннәрне котлаулар, бүләкләүләр, искә алулар бара. Бу бәйрәм көз көненә туры килә. Әллә инде өлкән буын вәкилләре үзләре табигатенең әлеге матур чагы кебек юмарт булгангамы, бәлки өлкәнәйгән саен кеше үзенең үткән юлына борылып карап нәтиҗәләр ясар чагын көз мизгеле белән чагыштырып карау гадәте булгангамы... Чыннан да бит өлкән буын кешесе үзен гомер көзенә кердек дип әйтүчән була. Көзләрегез матур, озын, кояшлы булсын хөрмәтле өлкәннәребез!

1 октябрь- Өлкәннәр көне. Алардагыдай изгелек, сабырлык шулкадәр кирәк бүген. Бу хәвефле, тынгысыз, ыгы-зыгылы дөньяда бик кирәк алар!

Шул уңайдан Субаш авыл мәдәният хезмәткәрләре өлкәннәрне тәбрикләп, өйләренә барып күчтәнәч пакетлар өләшеп йөрделәр.

октябрь, 2015 ел

пәнҗешәмбе

Өлкәннәр!.. Олы кешеләр!..

Күпме мәгьнә табып була бу сүзләрдән, элек – электэн үк олы кешеләр тормышның, яшәешнең нигезен тәшкил иткәннәр: намуслы балалар үстерү, аларның бәхете өчен көрәшү, киләчәгебез якты һәм тыныч булсын өчен, табыннарыбыз мул, көннәребез уң булсын өчен башкарган барлык эшләр дә алар кулы аша үткән.

Укучыларның каникуллары тәмамланып, яңа уку елы башланганнан соң мәдәният йортларында берләшмәләр эше башланып китте.

Үзәк авылы мәдәният йортында да клуб берләшмәләре эше җанланып китте, балалар дәресләре тәмамлангач бию, җыр, театр берләшмәләрендә шөгыльләнә алалар.

«Очраштыра, күрештерә, дуслаштыра Аулак өй”.

Олы Мишә авыл китапханәчесе Гапзизова Рузалия өлкәннәр көне уңаеннан “Очраштыра, күрештерә, дуслаштыра Аулак өй” дип исемләнгән бәйрәм чарасы оештырды. Бу бәйрәм өлкәннәребезне хөрмәтләү, яшьләргә борынгы йолаларны аңлату максатыннан кич утыру күренеше итеп үткәрелде.

2015 елның 1 октябрь көнне Халыкара өлкәннәр көне уңаеннан Теләче мәдәният йортында зур бәйрәм концерты үткәрелде.

Әлеге бәйрәм чарасы вакытында “Родник” халыкка социаль ярдәм күрсәтү үзәге белгечләре үзләрендә исәптә торган өлкән кешеләрнең кул эшләре күргәзмәсе оештырдылар. Шулай ук әлеге чарада, Теләче районының төрле оешмаларыннан килгән белгечләре белән, түгәрәк өстәл үткәрелде. Өлкәннәр үзләрен кызыксындырган сорауларга җаваплар алдылар.

Өлкәннәр көне.

1 нче октябрь- Өлкәннәр көне. Олы Мишә урта мәктәбе башлангыч сыйныф укучылары бу көнне әбиләренә зур хөрмәт күрсәттеләр. Аларның яраткан әбиләре мәктәбебезгә кунакка килделәр.Укучылар өлкәннәрне бәйрәм белән тәбрик итеп, музыкаль кичә бүләк иттеләр.Үз куллары белән эшләнгән открыткалар тапшырдылар.

Кадерле өлкәннәрне хөрмәтлибез,зурлыйбыз!

Чын күңелдән барыгызны бәйрәм белән котлыйбыз!

30 нчы сентябрьдә, Ямбулат авылы клубында, Өлкәннәр көне уңаеннан, чәй өстәле артында очрашу булды.

Чәй өстәлен "Нирус"ширкате әзерләде. Бәйрәмне ширкать башлыгы Сөнгатуллинн Р.М. ачып җибәрде. Ул үзенең матур теләкләрен теләде. Олы Мәтәскә җирле үзидарә рәисе Вәлиуллин М.А. та шул теләкләргә кушылды. Бәйрәмдә авылдашыбыз,оста гармунчы-Рафис Минһаҗевның катнашуы ,аны тагын да ямьләндереп җибәрде.

1 енче октябрь- «Халыкара өлкәннәр көне» .

Әле бик кечкенә булсалар да, бу көн безнең балалар өчен дә бәйрәм. Алар һәр ел саен балалар бакчасында эшләп, хәзерге вакытта лаеклы ялда булган хөрмәтле кешеләребезне котларга баралар. Менә бүген дә алар үзләренең игелекле гамәлләре белән өлкәннәребезне сөендереп кайттылар. Бөтен кешелек дөньясына ямь бирүче, елмаюларыгыз белән безне иркәләүче, җылы карашларыгыз белән назлаучы, акыллы фикерләрегез белән безгә юл күрсәтүче хөрмәтле өлкән буын вәкилләре!

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ