«Очраштыра, күрештерә, дуслаштыра Аулак өй”.

Олы Мишә авыл китапханәчесе Гапзизова Рузалия өлкәннәр көне уңаеннан “Очраштыра, күрештерә, дуслаштыра Аулак өй” дип исемләнгән бәйрәм чарасы оештырды. Бу бәйрәм өлкәннәребезне хөрмәтләү, яшьләргә борынгы йолаларны аңлату максатыннан кич утыру күренеше итеп үткәрелде.

Картлык һәркемгә килә. Гомер көзенә якынайган саен сезнең дә ярдәмгә мохтаҗлыгыгыз арта. Акыллы киңәшләрегез, сабырлыгыгыз, олы җанлылыгыгыз белән яшьләрне тәрбияләүгә үз өлешегезне кертәсез.

Барыгызны да Халыкара Өлкәннәр көне белән чын күңелдән тәбрик итәм, нык сәламәтлек телим. Картлык көннәрегезне балаларыгызның һәм оныкларыгызның сезнең турында тирән кайгыртуын, җылы мөнәсәбәтләрен тоеп үткәрегез.