Балаларның ялын файдалы һәм күңелле итеп оештыруда мәктәп яны сәламәтләндерү лагеры зур роль уйный. Монда балалар рәхәтләнеп ял итәләр, төрле спорт уеннарында катнашалар. Бүген “Рекордлар көне” үтте. Бу чара укучыларның иҗади сәләтен арттыруга, дуслыкны ныгытуга китерә.
1 июнь көнне районның ял паркында Халыкара балаларны саклау көне уңаеннан бәйрәм чаралары үткәрелде. Бәйрәмне үткәрүдә Балалар иҗат үзәге эшчеләре дә үзләренең өлешләрен керттеләр. Балалар өчен: “Әтәчләр”, “Кисү”, “Машина ярышы”, “Җиләк җыю”, “Асфальтка рәсем ясау” кебек уеннар үткәрделәр.Балаларга үткәрелгән чаралар бик ошады.