Муниципаль районнар Теләче муниципаль районы

ЯҢАЛЫКЛАР

май, 2015 ел

дүшәмбе

Бүген, 18 нче май көнне, Югары Кибәхуҗа урта мәктәбенең 11 сыйныф укучылары татар теленнән йомгаклау аттестация эше эшләделәр.

Алар бирелгән ике варианттан берсен сайлап алып сочинения элементлары белән изложения яздылар. Аларга эшләрен уңышлы башкарып чыгуларын теләп калабыз.

15 май - Халыкара гаилә көне.

Бу көн Россиядә 1995 елдан бирле билгеләп үтелә. Бу заманда һәр кешегә кайтып сыеныр өчен җылы учак, тыныч почмак булуы кирәк. Ни генә булмасын, кеше үз гаиләсе кочагында ял итә,рухи көч җыя. Шул уңайдан Теләче Үзәк китапханәсенең уку залында “Гаиләм җылы учагым” дип исемләнгән күргәзмә эшләнде.

12 май көнне Теләче Үзәк китапханәсенең уку залында “Яңа китап – яңа дус” дип исемләнгән китап күргәзмәсе куелды.

Күргәзмәгә китапханәгә яңа кайткан: «Казан Кремле», «Республика Татарстан», «Татарстан Республикасы хәзинәләре”, “Православные храмы Татастана”, “Мечети Татарстана” һәм башка китаплар куелды. Күргәзмәгә рәхим итегез!

14 май көнне Теләче Үзәк балалар китапханәсендә 2015 ел Россиядә Әдәбият елы уңаеннан “Китап уку – белемнең ачкычы” стенды эшләп куелды.

Биредә классик язучыларның портретлары, аларның китап укуга багышланган әйтемнәре урын алды. Тәкъдим ителгән мәгълүмат китап укучыларда уку һәм әдәбиятка карата тагын да күбрәк кызыксыну уята алачак.

9 май-Бөек Җиңүнең 70 еллыгы уңаеннан уздырылган бәйрәм Ямбулат авылында иң элек һәйкәл янында митинг булды.

9 май-Бөек Җиңүнең 70 еллыгы уңаеннан уздырылган бәйрәм Ямбулат авылында иң элек һәйкәл янында митинг булды. Аннан соң Ямбулат авылы клубында ветераннар һәм сугыш чоры балалары каршында "Алар даны мәңгелек" дип исемләнгән концерт программасы күрсәтелде. Бәйрәм кичәсе чәй табыны артында дәвам итте.

Шәтке авылында Бөек Җиңүнең 70 еллыгын каршылап митинг узды.

Митингта мәктәп укучылары, укытучылар, авылдагы оешмалар катнашты. Иң кадерле кунаклар, сугыш һәм тыл ветераннары иде. Митингны авыл җирлеге башлыгы Ф.Г. Кадыйров ачып җибәрде.

Субаш башлангыч мәктәбендә мәдәният хезмәткәрләре белән берлектә Бөек Җиңүнең 70 еллыгы уңаеннан митинг үткәрелде.

Бәйрәмгә сугыш һәм тыл ветераннары чакырулы иде. Бәйрәм кичәбез авыл үзешчәннәренең матур җырлары белән үрелеп барылды. Ахырдан бәйрәм чәй табыны артында үтте.

Олы Мәтәскә авылында Бөек Җиңүнең 70 еллыгы уңаеннан Бөек Ватан сугышында һаләк булган якташларыбыз истәлегенә куелган һәйкәл янында митинг булып узды.

Мәктәп укучылары кулларына "Үлемсез полк" портретларын, шарлар, флаглар һәм чәчәкләр күтәреп, колоннага тезелеп авыл буйлап обелискка төштеләр.

9 май күңелләргә иң якын, кадерле бәйрәмнәрнең берсе.

Бу көн якынлашкан саен без әби-бабайларыбызның йөрәк яралары сыкравын ишетәбез. Ветераннарның сөйләве безгә куркыныч төш кебек кенә. Тарихи үткәнебез, Ватаныбыз, туган ягыбызның каһарман шәһесләрен, тынычлык хакына корбан булган якташларыбызны белү һәм кадер-хөрмәт белән искә алу, балаларда милли горурлык хисләре тәрбияләү максатыннан 8 май көнне Айдар авылында стела ачу тантанасы һәм “Яу кырыннан килгән хәбәрләр бәгырьләрне телә әле һаман” исемле тематик кичә-митинг үткәрелде.

“Беренче сыйныф укучысының мәдәни көндәлеге“.

2014 нче елның 12 ноябреннән 2015 нче елның 26 маена кадәр Татарстан Республикасының барлык мәгариф учреждениеләрендә “Беренче сыйныф укучысының мәдәни көндәлеге“ дигән яңа проект игълан ителде. Бу проект укучыларны тарихи-мәдәни урыннарга тарту максатыннан әзерләнгән.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ