ЯҢАЛЫКЛАР

18
май, 2015 ел
дүшәмбе
“Ышаныч телефонына Әйе!” исеме астында акция үткәрделәр.
14 май көнне «Родник» халыкка социаль хезмәт күрсәтү буенча комплекслы үзәге белгечләре ирекле волонтерлар үзәге белән берлектә, Халыкара балалар ышаныч телефоны көне уңаеннан, Теләченең  үзәк урамында  “Ышаныч телефонына Әйе!” исеме астында акция үткәрделәр. 
Бакча эшләре дәвам итә.

Алан урта мәктәбенең тәҗрибә участогында язгы эшләр дәвам итә. Бүген икенче икмәк- бәрәңге утыртылды. 8 нче сыйныф укучылары кәбестә үсентеләре өчен җир әзерләделәр, кыяклы суган түтәлләрен тәртипкә китерделәр, яшелчәләргә һәм чәчәкләргә су сиптеләр.
Бүген без бакчабызда балалар белән бергәләп чәчәк орлыклары сиптек.
Балалар бу эшне бик кызыксынып һәм бик теләп башкардылар. Тиздән чәчәкләребез тишелеп, үсеп тә чыгар. Бакчабыз шау чәчәккә күмелер.
Туган телдә сөйләшәбез.
2нче  номерлы Теләче балалар бакчасында бу өлкәдә актив эш алып барыла. Балалар “Туган телдә сөйләшәбез” уку-методик кулламасы  әсбабында бирелгән хәрәкәтле һәм үстерешле уеннарны туган телләрендә бик теләп башкаралар. Уен аша баланың сүзлек запасы байый, татар сөйләм теле камилләшә. 
2нче номерлы Теләче балалар бакчасынын зурлар төркеменә йөрүче балалар тәрбиячеләре белән берлектә үзәк китапханәгә экскурсиягә бардылар.
Китапханә хезмәткәрләре балаларга  китаплар турында төрле кызыклы, тарихи мәгълүматлар бирделәр, китапханәдә  үз-үзләрен тоту кагыйдәләре белән таныштырдылар, балалар да  үзләрен кызыксындырган сорауларын бирделәр. Экскурсия  бик кызыклы һәм күңелле үтте.
Айдар авылында гражданнар җыены булып узды
14 нче май көнне Айдар авылында гражданнар җыены булып узды. Җыенда 78 кеше катнашырга тиеш иде, 43 кеше катнашты. Көн тәртибендә көтү, чисталык һәм юл мәсьәләләре хәл ителде. 
5 май көнне район мәдәният йорты хезмәткәрләре өмәгә чыкты.
Алар үзләренә бүлеп бирелгән террирторияләргә төрледән- төрле чәчәкләр утырттылар.
«Фронтовик шагыйрь».
15  нче май көнне Иске Җөри авыл китапханәсендә татар шагыйре Нур Баянның тууына 110 ел тулу уңаеннан “Фронтовик шагыйрь” исемле китап  күргәзмәсе  куелды. 
15
май, 2015 ел
җомга
15 май- Халыкара гаилә көне.
Бу  көн Россиядә 1995 елдан  бирле  билгеләп үтелә. Бу  заманда  һәр кешегә кайтып сыеныр өчен җылы учак, тыныч почмак булуы кирәк. Ни генә булмасын, кеше үз гаиләсе кочагында ял итә,рухи көч җыя. Шул уңайдан  Теләче  Үзәк китапханәсенең  уку  залында “Гаиләм җылы учагым” дип  исемләнгән  күргәзмә  эшләнде.  
Җиңел атлетика буенча Х Спартакиада ярышлары.
14 нче һәм 15 май көннәрендә   “ Батыр “ спорткомплексында   Бөек Ватан сугышында  Җиңүнең 70 еллыгына  багышланган  җиңел атлетика  буенча  район беренчелегенә   Х Спартакиада  ярышлары  булып үтте. Ярышларда  1998  -2001  елларда туган малайлар һәм кызлар катнашты. Шәхси беренчелектә  Теләче урта мәктәбе укучылары  1-3 урыннарны яуладылар. 
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International