Муниципаль районнар Теләче муниципаль районы

ЯҢАЛЫКЛАР

май, 2015 ел

пәнҗешәмбе

14 май көнне, Халыкара балалар ышаныч телефоны көне уңаеннан, «Родник» халыкка социаль хезмәт күрсәтү буенча комплекслы үзәгенең гаиләгә һәм балаларга социаль ярдәм күрсәтү булеге хезмәткәрләре ирекле волонтерлар үзәге белән берлектә Теләче мәктәбенең 5 – сыйныф укучылары белән очрашу уздырды.

“Ышаныч телефонына Әйе!”

14 май көнне «Родник» халыкка социаль хезмәт күрсәтү буенча комплекслы үзәге белгечләре ирекле волонтерлар үзәге белән берлектә, Халыкара балалар ышаныч телефоны көне уңаеннан, Теләченең үзәк урамында “Ышаныч телефонына Әйе!” исеме астында акция үткәрделәр.

2015 елның 13 маенда Теләче муниципаль районында, Бөек Ватан сугышында Җиңүнең 70 еллыгына багышланган, мәктәп укучылары арасында җиңел атлетика буенча X спартакиада үтте.

Әбде мәктәбеннән шул ярышта 10 сыйныф укучысы Камалетдинова Л актив катнашты. Җитәкчесе Назипов Р.Р. Аның катнашуының нәтиҗәсе: I урыннар - биеклеккә сикерү, 800 метрга чабу, диск ыргыту; II урыннар - 200 метрга чабу., 100 метрга каршылыклар белән чабу, сөңге ыргыту. Афәрин Ләйлә! Искиткеч остазның сәләтле укучысы.

Кешенең иң зур байлыгы – саулык.

Ул бәхетле озын гомернең нигезе. Безнең максат- балаларны кече яшьтән үк үз сәламәтлекләренә игътибарлы булырга өйрәтү, матур әдәбият әсәрләре аша начар гадәтләргә тискәре караш тәрбияләү.

14 май көнне Теләче Үзәк балалар китапханәсендә 2015 ел Россиядә Әдәбият елы уңаеннан “Китап уку – белемнең ачкычы” стенды эшләп куелды.

Биредә классик язучыларның портретлары, аларның китап укуга багышланган әйтемнәре урын алды. Тәкъдим ителгән мәгълүмат китап укучыларда уку һәм әдәбиятка карата тагын да күбрәк кызыксыну уята алачак.

Мәктәп бакчасында эш кайный.

Яз җитү белән мәктәп яны участогында эш кайный башлый.Укучы балалар җирне эшкәртәләр, түтәлләр ясыйлар. Яшелчәләр, чәчәкләр утырталар. 14 нче майда мәктәп бакчасында 8 нче һәм 10 нчы сыйныф укучылары бик тырышып эшләде.

Уку елы дәверендә Олы Нырсы мәктәбендә төрле спорт чаралары утеп торды, укучылар район ярышларында актив катнаштылар, бу чараларны уткәру һәм төрле ярышларда катнашу 2014 елда кертелгән ГТО нормативларына әзерлек булып тора.

Бугенге көндә укучылар басып торган килеш туры аякларда кулларны идәнгә тидеру буенча, теннис шаригын, кечкенә тупны, 500 гр. һәм 700гр. гранатаны ераклыкка ыргыту буенча нормативларны эшләп бетеру өстендә эш алып баралар.

Семинарда укып кайттылар.

12-13 май көннәрендә Олы Мишә урта мәкәбе укытучылары Казан шәhәрендә «Проектирование современного урока в соответствии с требованиями ФГОС» дип аталган семинарда укып кайттылар.

Чәчәкләр утырттылар.

14 май көнне тирә - юньне яшелләндерү максатыннан Теләче Үзәк китапханә хезмәткәрләре үзләренең территорияләрендәге клумбаларга чәчәкләр утырттылар.

13 май көнне Олы Мишә авыл китапханәчесе Газизова Рузалия якташ язучылар иҗатына багышланган күргәзмә белән Түбән Саурыш авылы мәдәният йортында булды.

Ул китап укучыларга якташ язучыларның тормыш һәм иҗат юлларын яктыртты.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ