ЯҢАЛЫКЛАР

22
апрель, 2015 ел
чәршәмбе
Габдулла Тукай атналыгы.

Бу атна безнең Олы Мәтәскә балалар бакчасында Габдулла Тукай иҗатына багышлана. Бөек шагыйрь иҗатына багышланган бик күп чаралар үткәреләчәк: "Иң яхшы шигырь сөйләүче", Тукай әкиятләрен сәхнәләштерү, Тукай иҗатына багышланган бәйрәм кичәсе, Тукай әкиятләренә рәсемнәр ясау. Бүген балалар атналыкны Габдулла Тукай әкиятләрен искә төшерүдән башладылар.
Котлыйбыз!
 13 апрель көнне  Казанда «Уникс» күңел ачу үзәгендә  “Созвездие – Йолдызлык -2015 ” фестивалендә безнең Шәтке балалар бакчасында тәрбияләнүче Мухаметханов Айбулат “Вокал - соло”номинациясендә катнашып грамота белән бүләкләнеп кайтты. 
Әти - әниләр белән бердәм эшчәнлектә кулланалар һәм ныгыталар.
Балаларны татар һәм рус теленә өйрәтү сыйфатлы, уңышлы булсын өчен, Максабаш балалар бакчасына йөрүче балалар өйрәнгән материалны төркемдә кабатлый һәм ныгыта алсыннар өчен, укыту - методик комплектында тупланган материалларны тәрбиячеләр балаларның сөйләмен үстерү, тирә-юнь, матур әдәбият әсәрләре белән таныштыру максатында гына түгел, ә рәсем ясау, әвәләү, кул хезмәте, конструкцияләү, эксперименталь эшләр, кисеп ябыштыру, музыка эшчәнлекләрендә, иртән балаларны кабул итү, саф һавада булу, табигатьне күзәтү вакытында, әти - әниләр белән бердәм эшчәнлектә кулланалар һәм ныгыталар.
Су -яшәү чыганагы.
 Бакчабыз балаларына суның кеше тормышындагы әһәмияте, аны саклау юллары турында аңлатылды.Табигатьтә һәр нәрсә яхшы. Ә су һәрнәрсәдән гүзәлрәк, сафрак. Су – үтә күренмәле. Су – җанлы. Ул ага һәм җил булса дулкынлана.Су үзенең тирә – ягындагы әйберләргә хәрәкәт һәм тереклек бирә. 
"Без Тукай оныклары".
21 апрель көнне Шәтке авылы китапханәсендә  Г.Тукайның тууына 129 ел тулу уңаеннан балалар белән "Без Тукай оныклары" дигән тамчы-шоу үткәрелде.  Балаларны Тукай иҗаты белән таныштырып,  сорауларга җаваплар бирелде. Соңыннан Тукайның, "Су анасы", Бала белән күбәләк", Ак бабай", Пар ат"  һәм башка шигырьләрен балалар яттан сөйләделәр. 
Г.Тукай әсәрләре буенча рәсемнәр күргәзмәсе оештырылды.

Татар теле һәм әдәбияты атналыгы кысалары нигезендә Әбде урта мәктәбендә Г.Тукай әсәрләре буенча рәсемнәр күргәзмәсе оештырылды. Әлеге чарада укучылар бик теләп катнаштылар.
"Татар халкының тарихи һәм мәдәни һәйкәлләре".
    21 апрель көнне Урта Мишә авыл китапханәсендә Халыкара һәйкәлләр һәм тарихи урыннар көне уңаеннан "Татар халкының тарихи һәм мәдәни һәйкәлләре"- исемле китап буенча танып-белү сәгате үткәрелде. Бу вакыйга 1984 нче елның 18 апреленнән мәдәни истәлекләрне карау һәм саклау максатыннан билгеләп үтелә башлый. 
20 апрель көнне Югары Кибәхуҗа урта мәктәбендә “20 апрель 1942 ел – Мәскәү өчен сугышның тәмамлануы” темасына класс сәгатьләре үткәрелде.
Мәскәү өчен сугыш 1941 елның 30 сентябреннән 1942 елның  20 апреленә кадәр дәвам итте.   Укучылар Германия белән СССРның көчләр чагыштырмасы, сугыш этаплары, «Тайфун» операциясе, сугыш йомгаклары белән таныштылар. 
Бөек Җуңүнең 70 еллыгына әзерлек эшләре алып баралар.
Балалар иҗат үзәгенең "Волшебная паутинка" түгәрәгенә йөрүче укучылар, өстәмә белем бирү педагогы Галимзянова Фәния Габдулхак кызы җитәкчелегендә,  Бөек Җуңүнең 70 еллыгына әзерлек эшләре алып баралар. 
Тимурчылар алга !
Яз килә, кояш  көлә!  Яз  көне  авыл халкын күп  төрле хезмәт  көтә. Бу көннәрдә  тимурчылар  өчен  дә  эш  җитәрлек. Һәр авылда  ярдәм  көтүче өлкәннәребез  яши. Югары Кибәхуҗа  урта  мәктәбенең  8 класс укучылары  тыл һәм  сугыш  ветераннарына  ярдәм  итә. Укучылар  кар  көриләр, боз  ваталар, өй тирәсен  чүпләрдән  арындыралар. 
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International