ЯҢАЛЫКЛАР

Шәтке авылы китапханәсендә Бөек Җиңүнең 70 еллыгына карата "Балалар Җиңүне сүрәтли" дип исемләнгән рәсем конкурсы игълан ителде.

Конкурста 8 яшьтән 14 яшькә кадәрге балалар катнаша ала.  Конкурс 20 апрельгә кадәр дәвам итә. Конкурста җиңүчеләр грамота һәм истәлекле бүләккә ия булачак.

Шармыш авылы китапханәсендә Бөек Җиңүнең 70 еллыгына карата «Мы будем чтить ваш подвиг вечно» дип исемләнгән стенд эшләнә башлады.

Стендта Бөек ватан сугышы һәм тыл  ветераннары турында мәгълүматлар урнаштырылган.

9 апрель көнне Максабаш авылы мәдәният хезмәткәрләре Мингазова Лилия белән Гаязова Зөлфия “Кошлар – безнең дуслар” дип аталган викторина - кичә үткәрделәр.

Викторинада Максабаш авылы башлангыч сыйныф укучылары катнашты. Алар төрле ярышларда катнашып , көч сынаштылар. Кичәбез дуслык җиңүе белән тәмамланды.

9 апрель көнне Казаклар авыл китапханәсендә “Без тынычлык яклы” дигән альбом ясалды.

Бу альбомда  терроризмга, наркоманиягә каршы үткәрелгән чараларның фотолары урын алды. Китапханәгә килгән барлык китап укучылар бу альбом белән таныша алачак.

Өлкәннәрнең өйләренә барып китапханә хезмәте күрсәтү максатында "Һәр өлкәнгә - рухи юл" дип исемләнгән акция игълан ителде.

Шул акция кысаларында Урта Мишә авылы китапханәчесе Мухаметшина Г. 9 апрель көнне өлкәннәрнең өйләренә барып яңа кайткан китаплар, газета-журналлар белән таныштырды.

Айдар авылы китапханәсендә китап күргәзмәләре даими рәвештә эшләп килә. 9 апрель көнне "Без үзебез мәзәкче" дип исемләнгән күргәзмә балалар үзләре иҗат иткән мәзәкләрдән төзелде.

9 апрель көнне "Без үзебез мәзәкче" дип исемләнгән күргәзмә  балалар  үзләре иҗат иткән мәзәкләрдән төзелде. Һәр бер укучы үзе теләп  балалык чорындагы кызык хәлләрдән мәзәкләр иҗат итте.  Балалар үзләре кызыксынган  көлдергеч, мәзәкләр китапларын өйләренә яздырып алдылар. 

7 апрель Бөтендөнья сәламәтлек көне уңаеннан, Субаш авыл китапханәсендә, “Сәламәтлек сагында” дип исемләнгән күргәзмә төзелде

Күргәзмәдә, сәламәт яшәү рәвешен, спорт, дөрес туклануны яктырткан китаплар, информацион материаллар урын алды. Күргәзмәнең төп максаты булып, кешегә начар гадәтләрнең никадәр зыян салуы, сәламәтлеккә җаваплы караш тәрбияләү һәм аны саклап кала белү.

7 апрельдә Бөтен дөнья сәламәтлек көне билгеләп үтелә.

Шул уңайдан Урта Мишә авыл   китапханәсе укучылар белән “Сәламәтлек дошманнары” –исемле сәламәтлек дәресе үткәрде. Китапханәче Мухаметшина Г.И. укучыларга дөрес тукланмау, көндәлек режимны сакламау, гигиена таләпләрен үтәмәү, аз хәрәкәтләнү, зарарлы гадәтләр һәм компьютерның сәламәтлеккә тискәре йогынтысы турында сөйләде. 

6 апрель көнне Әбде авылы китапханәсендә «Первоучители добра, вероучители народа” дип исемләнгән танып белү сәгате үткәрелде.

Бу сәгатьтә китапханәче балаларга кулдан язылган китаплар, беренче китапханә турында  сөйләп узды.

6 апрель көнне Әбде мәдәният йортында китапханәче белән берлектә балаларга “Беренче мәрхәмәтлек дәресләре” дигән темага сөйләшү уздырылды.

Балаларга бу дәрестә беренче язулар кайчан барлыкка килүе, беренче бастырылган китаплар турында сөйләнелде.