Муниципаль районнар Теләче муниципаль районы

ЯҢАЛЫКЛАР

апрель, 2015 ел

дүшәмбе

4 апрель көнне Субаш авыл китапханәсендә, сагынып кайткан кошларыбызга багышлап, укучылар белән берлектә "Безнең яраткан кошларыбыз" дип исемләнгән рәсем бәйгесе уздырылды.

Китапханәче Петрова Л. И. канатлы дусларыбызга багышлап "Кошлар" китабына күзәтү үткәрде, кошлар турында язылган хикәя-текстларны, шигырьләрне укып балаларга кызыклы мәгьлүмат бирде. Укучылар кошлар турында бик матур шигырьләр сөйләделәр, кроссвордлар чиштеләр.

7 апрель көнне Теләче Үзәк балалар китапханәсендә “Синең буш вакытың һәм синең сәламәтлегең” исемле күрсәтмәле – китап күргәзмәсе төзелде.

Төп максат – балалар, яшүсмерләр һәм яшьләр арасында сәламәт яшәү рәвешен популярлаштыру. Күргәзмәдә китаплар, журналлардан мәкаләләр, балалар һәм әти – әниләр өчен мәгълүматлы буклетлар урын алды.

11апрель көнне теләче авылының “Эрмитаж” кафесында 2014 елгы хоккей буенча чемпионатаның чемпионнарын тәбрикләү тантанасы булды.

11апрель көнне теләче авылының “Эрмитаж” кафесында 2014 елгы хоккей буенча чемпионатаның чемпионнарын тәбрикләү тантанасы булды. Безнең Теләче егетләре менә инде өченче ел рәттән авыл командалары арасында Татарстан Республикасы чемпионнары булып калдылар. Аларны тәбрикләүдә район Башкарма комитеты җитәкчесе Мирсаетов Айдар Газиз улы катнашты.

Югары Мәтәске авылы клубында 10 апрель көнне татар халкыбызның онытылмас уеннары һәм җырлары, татар халкының үзенэ генә хас булган биюләреннән торган кичә булды.

Кичәдә халкыбызның татар биюләренә өстенлек бирелде. Клуб мөдире Сәрия Гарипова биюнең алымнарын хәзерге яшьләргә ничек башкарылуы турында күрсәтте.

Олы Мишә мәдәният йортында Рөстәм Рәшитов төшергән “Айсылу” татар фильмы күрсәтелде.

Татарстанда төшерелгән нәфис фильм “татар көлбикәсе” хакында. Картинада рольләрне Г. Камал исемендәге Татар дәүләт академия театры һәм Г.Кариев исемендәге Казан Татар дәүләт яшь тамашачылар театры артистлары башкара. Фильм татар телендә төшерелгән.

Меңләгән, миллионлаган кешеләр спорт яраталар, чөнки ул сәламәтлекне сакларга, үзеңне яхшы хис итәргә ярдәм итә.

Әбде мәдәният йортында авыл яшьләре белән берлектә волейбол буенча ярыш уздырдылар. Ярышта авыл яшьләре командасы һәм югары сыйныф укучылары катнашты.

Балалар иҗат үзәгенең “Лоскутное шитье” түгәрәгенә йөрүче укучылар әти-әниләр җыелышында үткәреләчәк күргәзмәгә эзерләнәләр.

Укучылар төрледән-торле кул эшләре ясыйлар, бер берсенә теләп булышалар. Кызлар бигрәк тә чәчәкләр ясауга өстенлек бирәләр.

12 апрель - Христиан динен тотучыларның иң зур бәйрәмнәрнең берсе булган Пасха бәйрәме.

Субаш авылы халкы да бу изге бәйрәмне бик зурлап каршы алды. Иртәдән балалар өйдән - өйгә кереп, бәйрәм белән котлап йомырка җыеп йөрделәр. Аларга өй хуҗалары матур итеп бизәлгән йомырка, тәмле тәм-томнар өләштеләр.

11 апрель көнне Олы Мәтәскә мәдәният йортында Әдәбият елы уңаеннан “Шушы яктан, шушы туфрактан без”дип исемләнгән бик зур бәйрәм уздырылды.

Бәйрәмне китапханәче Хузиахметова З.Г оештырды. Бәйрәмдә авылыбыздан чыккан каләм тибрәтүчеләр һәм сәнгать сөючеләр катнаштылар. Чакырылган кунаклар барсы да кайттылар. Бәйрәм үткәрү программасы бик эчтәлекле иде.

Җиңүнең 70 еллыгын каршылауга әзерлек.

13 нче апрель көнне Теләче урта мәктәбендә гомуми линейка булып узды. Линейка Бөек Ватан сугышында Җиңүнең 70 еллыгын каршылауга багышланган иде. Җиңүнең 70 еллыгын каршылауга әзерлек барышында “Мәңгелек полк” акциясе игълан ителде.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ