Муниципаль районнар Теләче муниципаль районы

ЯҢАЛЫКЛАР

апрель, 2015 ел

чәршәмбе

5 нче сыйныф укучылары сыйныф җитәкчесе белән берлектә март башында тартмачыкларга чәчәк һәм яшелчә орлыклары чәчтеләр.

Каникул көннәре булуга да карамастан, укучылар һәр көнне килеп, үсентеләрне карап тәрбияләп торалар. Үсентеләргә инде беренче тукландыру үткәрелде. Әлеге үсентеләр җәен мәктәп территориясенә күчереп утыртылачак.

Бүген Көлке көне- алдау көне бөтен планета буйлап нык адымнар белән безгә рух, дәрт, дәрман, кәеф өстәп йөри.Бу көнне елмаеп каршы алсаң, ел буена елмаеп йөрерсең.Көлгән вакытта кешенең йөзгә якын бит мускулы хәрәкәткә килә.

Шуңа күрә көлик! Көлү кешенең гомерен озайта. Менә нинди зур көчкә ия ул көлү!

Бөтендөнья кошлар көне.

1 апрель – Халыкара кошлар көне. Лесной төп гомумбелем бирү мәктәбендә кошларга карата тәрбия сәгатьләре, төрле чаралар үткәрелде. Укучыларга канатлы дусларыбыз турында бик күп кызыклы мәгълүмат җиткерелде.

Олы Мишә урта мәктәбе укучылары һәр елны дару үләннәре җыюда актив катнашалар.

Язгы каникул чорында 5-11 сыйныф укучылары каен һәм нарат бөресе җыеп, бүген мәктәпкә алып килделәр. Әле эш дәвам итә.

1нче урын алдылар.

30 март көнне Иске Җөри урта мәктәбе "Патриот" командасы, ФОРПОСТ район хәрби-патриотик конкурсында катнашып 5 номинациянең өчесендә ("Таныштыру өлеше", "Сугыш чоры җырлары", "Иң яхшы стена газетасы") 1нче урын алдылар, "Шигырь сөйләү" номинациясендә Саруханян Алинә 3 урынны алды. Команда беречелегендә исә безнең мәктәп 1 урынны яулады.

Ачы мәдәният йорты хезмәткәрләре, Бөек Җиңүнең 70 еллыгы уңаеннан, рәсем конкурсы оештырдылар.

Балалар рәсемдә бу вакыйгаларны ничек күз алуларын тасвирларга тырыштылар.

Шулай ук клубта 5 апрель көнне узачак референдумга да әзерлек эшләре алып барыла.

“Иң яхшы өстәмә белем бирү педагогы”.

Балалар иҗат үзәгенең өстәмә белем бирү педагоглары Баева Зилә Рафаил кызы, Шаипова Раъно Исам кызы һәм педагог – оештыручылар Газизова Равилә Исмәгыйл кызы, Гинатуллина Гөлчәчәк Наил кызының эшләре Республика күләм өстәмә гомум белем бирү программалары белән эшләүче, педагогларны үстерү максатыннан оештырылган “Иң яхшы өстәмә белем бирү педагогы” дип исемләнгән грантлар конкурсына җибәрелде.

31 март көнне Субаш авыл китапханәсендә, "Шагыйрь Роберт Әхмәтҗановның 80 яшь" тулу уңаеннан күргәзмә оештырылды.

Күргәзмәдә шагыйрьнең китаплары, үзе турында чыккан материаллары тупланды.

1 апрельдә Алан урта гомумбелем бирү мәктәбендә “Намус” профилактика отрядының чираттагы утырышы уздырылды.

Анда отряд кураторы Хәсәнова А.М. өченче чиректә башкарылган эшләргә отчет ясады. Утырыш барышында шулай ук алдагы чиреккә бурычлар билгеләнде. Отряд түбәндәге юнәлешләр буенча үз эшчәнлеген алып бара: начар гадәтләрне профилактикалау, дәресләргә йөрешне һәм мәктәп формасын контрольдә тоту.

1 апрель Бөтендөнья кошлар көне уңаннан Сауш авылы китапханәсендә “Кошлар – безнең дуслар” темасына кичә үткәрелде.

Кошлар темасына чыгышлар ясалып, викторина үтте. Һәрбер бала кичәгә карата рәсем ясап алып килде, һәм алардан күргәзмә куелды.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ