ЯҢАЛЫКЛАР

19 март көнне Шәтке авылы китапханәсендә "Кояшкай" берләшмәсенә йөрүче балалар белән "Табигатьнең гүзәл мизгелләре" дип исемләнгән экологик сәгать үткәрелде.

Бу сәгатьтә китапханә мөдире Галимуллина К.Х. балаларны табигать турындагы китаплар белән таныштырды. Балалар яз турында хикәяләр яздылар. Урамдагы язгы табигатьне күзәттеләр.

19 мартта Алан урта гомумбелем бирү мәктәбендә 8-10 сыйныф укучыларының Казан нефть химиясе колледжы вәкилләре белән очрашулары узды.

Укыту-производство буенча директор урынбасары Вильданова Л.Х. үз чыгышында уку йорты, факультетлар буенча экскурсия ясады. Колледжка 2015 елда кабул итү тәртибе белән таныштырды. 

ЕЛ ТӘРБИЯЧЕСЕ-2015.

18 март көнне  Балтач 4 нче балалар бакчасында "Ел тәрбиячесе -2015" зонара бәйгесендә Саба, Теләче, Кукмара, Арча, Әтнә, Мамадыш һәм Балтач районыннан икешәр тәрбияче үзләренең һөнәри осталыкларын күрсәтте. 

20-22 март көннәрендә Сабада «Теләче» спорт мәктәбе укучылары 2000 елда туган һәм аннан да яшьрәк егет һәм кызлар арасында РСФСРның атказанган урманчы Миннеханов Н.М. истәлегенә багышланган өстәл теннисы буенча XIV Бөтенроссия ярышларында катнашалар.

    

ТОЗЛЫ КАМЫР ӘВӘЛӘҮ.

Нәфис-нәфәсәти үсеш  белем бирү һәм укыту процессында төп урын алып торучы мөһим бер чара. Шул чараларның бер өлеше булып әвәләу шөгыльләре дә гаять зур роль уйный. Бигрәк тә тозлы камыр белән әвәләү. 

Нәүрүз килә, Нәүрүз!

Бүген Үзәк балалар бакчасында яз бәйрәме "Нәүрүз" үтте... Бәйрәм чарасында олылар һәм мәктәпкә әзерлек төркеме балалары катнашты. 

21 март көнне Балыклы башлангыч мәктәбе укучылары очен сыйныф сәгатендә “Язгы сулыкларда куркынычсызлык” темасына презентация күрсәтелде.

Укучылар куркынычсызлык кагыйдәләрен искә төшерделәр. Сыйныф җитәкчеләре язгы каникул вакытына инструктаж үткәрделәр. Укучылар күтәренке күңел белән өйләренә таралыштылар.

   

Менә инде 20 елдан артык,Рәсәй мәктәпләрендә халыкара математика уен-конкурсы “Кенгуру” да катнашырга мөмкинлекләр булдырыла.

Бу конкурс үзенә укучыларны кызыксынучанлык , тирән эчтәлеге белән җәлеп итә.Әбде урта мәктәбенең 2-10 сыйныф укучылары да бу конкурста катнашты.Катнашучылар арасында җиңүчеләр дә булыр дип өметләнәбез.

21 март –Халыкара урман көне билгеләнеп үтелә.

Иске Җөри урта мәктәбенең һәр классында бүген “Урман дәресләре” үткәрелде. Укучыларга презентацияләр, видеороликлар күрсәтелде. 

Әкияттә кунакта.

Бүген мәктәбебездә инглиз теле атналыгы кысаларында “Әкияттә кунакта” дигән әдәби иртә узды. 1нче сыйныф укучылары инглиз телендә ”Шалкан “әкиятен сәхнәләштерсәләр,  5нче сыйныфлар “Күмәчкәй” әкиятен матур итеп уйнап күрсәттеләр.