Муниципаль районнар Теләче муниципаль районы

ЯҢАЛЫКЛАР

март, 2015 ел

сишәмбе

8 - Март- язның тәүге бәйрәме. Халыкара хатын-кызлар көне дип йөртсәк тә, бу датаны без лаеклы рәвештә Әниләр көне дип атыйбыз.

Нәкъ менә шушы көнне без үзебезнең хатын-кызларыбызны котларга ашыгабыз. Максабаш балалар бакчасында бу бәйрәмне бик матур итеп, 7 – март көнне уздырдылар. Әниләр һәм әбиләр чакырылган бу бәйрәм кичәсендә балалар җырладылар, шигырьләр сөйләделәр, биюләр башкардылар. Бәйрәм бик күңелле узды һәм чәй табыны артында тәмамланды. Әниләр күркәм чәй табыны әзерләп, балаларны сыйладылар.

Халык-ара хатын-кызлар көне уңаеннан, Балалар иҗат үзәгенә йөрүче укучылар, үзләренең якыннарын, әниләрен, дәү әниләрен, апаларын, сеңелләрен шушы матур бәйрәм белән котладылар.

Түгәрәкләрдә ясалган сувенирларны балалар чын йөрәктән бүләк иттеләр. Мәсәлән, “Кәгазь иле” түгәрәгенә йөрүче укучылар, өстәмә белем бирү педагогы Загидуллина Р.Т. җитәкчелегендә, газиз әниләренә төсле кәгазьләрдән ясалган, якты кояш елмаюы бүләк иттеләр.

Без тагын беренче!

7 нче март көнне һәр елны традицион рәвештә үткәрелүче кышкы спартакиада үтте. Быел ул Бөек Җиңүнең 70 еллыгына багышланды.

7 март көнне Теләче урта мәктәбе район буенча оешмалар арасында үткән Кышкы спартакиадада катнашты.

Кышкы спартакиада ярышларында укытучылар зур уңышларга ирештеләр һәм 1 урынны яуладылар. Команда капитаны физкультура укытучысы Хәкимов Р.Р.чаңгы ярышларында 1 урынны яулап җиңүче булды.

Бөек Җиңү зур корбаннар аша килде.

Менә 70 ел инде илебез халкы тыныч тормышта яши. 4 ел буена барган сугыш дәвамында халкыбыз тудырган зур батырлыклар һәм кичергән зур газаплар 70 ел буена да, 100 ел буена да онытырлык түгел.

8-Март-Халыкара хатын-кызлар бәйрәме көнендә безнең Максабаш башлангыч мәктәбендә зур бәйрәм оештырылды.

Ярышта ӘНИЛӘР һәм КЫЗЛАР командалары ярышты. Ярыш бик тә күңелле булды. Тамашачыларның көчле кул чабулары ярышучыларга көч биреп торды. Безнең мәктәптә укучы кызлар конкурсларның барлык төрләрен яхшы үтәп, җиңеп чыктылар. Булдырдыгыз, кызлар! Барыгызны да бәйрәм белән котлыйбыз. Уңышлар сезгә!

8 март - язның иң җылы, иң матур бәйрәмнәренең берсе.

Шул уңайдан Айдар мәдәният йортында китапханә белән берлектә "Язлар сезгә чәчәк китерсен!" дип исемләнгән бәйрәм чарасы үткәрелде. Әлеге күркәм чарада "Иң күп китап укучы" гүзәл затларыбыз да тәбрикләнде.

8 нче март язның беренче бәйрәме халыкара хатын-кызлар кѳне.

Шул уңайдан 6 март кѳнне Иске Җѳри мәдәният йортында мәдәният хезмәткәрләре Гильмутдинова Р. һәм Зиннатуллина Л. берләшмәгә йѳрүче әниләр белән «Иң җылы учак, иң җылы кочак гаиләдә»- дип исемләнгән кичә үткәрде.

8 нче март язның беренче бәйрәме халыкара хатын-кызлар кѳне .

Шул уңайдан 7 нче март кѳнне Иске Җѳри мәдәният йортында мәдәният хезмәткәрләре Зиннатуллина Л. һәм Гильмутдинова Р. «Ягез, әле , кызлар»- дип исемләнгән кичә үткәрде. Кичәдә 6 нчы һәм 7 нче сыйныф кызлары «Тамчылар» һәм «Тапкырлар» командаларына бүленеп кѳч сынаштылар. Ахырдан «Дуслык» җиңде.

8 март көнне Казаклар авыл китапханәсендә халык - ара хатын кызлар көне уңаеннан татар халкының онытылып барган көнкүреш йоласы “Орчык өмәсе” үткәрелде.

Кичә башында халкыбызның милли йолалары, гореф- гадәтләре турында сөйләнде. Кичәдә халкыбызның милли уеннары “Йөзек салыш”, “Мәкаль әйтеш”,”Орчык тәгәрәтеш”,”Түгәрәк” һәм башка уеннар уйналды. Элеккеге җырларны җырлап кул эшләре эшләнде.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ