Муниципаль районнар Теләче муниципаль районы

ЯҢАЛЫКЛАР

март, 2015 ел

сишәмбе

Бөек Җиңүнең 70 еллыгына багышлап Айдар балалар бакчасында рәсем конкурсы үткәрелде.

Балалар бик тырышып үз көчләрен куйдылар. Һәр бала бу конкурста бик теләп катнашты. Алар ясаган рәсемнәрен әби - бабайларына бүләк иттеләр.

Мәктәпкәчә тәрбия һәм белем бирүне- балалар,тәрбиячеләр һәм әлбәттә әти-әниләрдән башка күз алдына китереп булмый.

Шул максаттан Максабаш балалар бакчасында әти-әниләр белән бәйрәм кичәләре , “Ачык ишекләр” көне үткәрелә. Шулай ук әти-әниләр балаларның дәресләрендә дә еш булучы кунаклар.

2 нче март көнне Лесной төп гомумбелем бирүмәктәбендә хәрби – патриотик айлык кысаларында “ Аҗаган – 2015” уены уздырылды

Ул хәрби-патриотик айлыгының йомгаклау этабы булып тора. Укучылар ике командага – “Торнадо” һәм “Ак Барс ” командаларына бүленеп, көч сынаштылар.

Бөек Ватан сугышында катнашучылар безнең арабызда һаман кими бара.

Бакчабызда “ Җиңүнең 70 еллыгын каршылап “ дигән күчмә папка эшләнеп куелды, сугыш вакытындагы авыр тормыш турында балаларга рәсемнәр, презентациялэр аша аңлату эшләре алып барабыз,” Безнең бабаларыбыз “дигән темага альбом эшләп куелды.

Бөек Ватан сугышы тәмамлануга 70 ел була.

Шул уңайдан Иске Җөри балалар бакчасында “Сугыш турында нәрсә беләсең?” дип исемләнгән әңгәмә үткәрелде. Әңгәмә барышында тәрбияче Бөек Ватан сугышы, халкыбызның ничек яшәве турында сөйләде, сугышны чагылдырган рәсемнәр белән күрсәтте.

2 март көнне Әбде авыл җирлегендә сугышта катнашучыларга hәм тыл хезмәтчәннәргә юбилей медале “70 еллык сугышта Җиңу көне белән” тапшырылды.

Лесной авыл клубында «Әти көне» дип исемләнгән кичә уздырдылар.

Кичәгә армия сафларында хезмәт иткән әтиләр чакырылган иде. Алар хезмәт иткэән елларны кабат искә төшерделәр. Кичә спорт ярышлары белән бергә бәйләнеп барды. Кичәне балалар һәм әтиләр арасында шахмат буенча ярыш белән тәмамладылар.

Бөек Җиңүгә 70 ел булу уңаеннан, Теләче №2 балалар бакчасында төрле чаралар үткәрелеп тора

Узган атнада да зурлар һәм мәктәпкә әзерлек төркеме тәрбиячеләре Галияхметова З.А. белән Юсупова Г.Ф. балалар белән “Бөек Ватан сугышының язучы- геройлары М.Җәлил һәм А.Алиш” темасына әңгәмәләр үткәрделәр, балаларга бу язучылар иҗат иткән әсәрләрне укыдылыр, презентацияләр күрсәттеләр. Балаларның Бөек Ватан сугышы турында белемнәрен тагын да киңәйттеләр.

2015 елның 2 мартында Сөлайман Йосыпов исемендәге Алан мәдәният йортында “Ел укытучысы – 2015” бөтенрәсәй конкурсының муниципаль туры уздырылды.

Финалга узган укытучылар үзләренең педагогик осталыкларын мастер-класс барышында күрсәттеләр. Жюри нәтиҗәләрне чыгарган арада бәйрәмне Алан урта гомумбелем бирү мәктәбе әзерләгән укучылар чыгышы җанландырды.

2015 нче елның 2 мартында Алан урта гомумбелем бирү мәктәбендә “Системалы эшчәнлекле якын килү ысулын гамәлгә ашыра торган технологияләрне куллану» темасына методик берләшмәнең утырышы узды

Утырышның максаты: тәҗрибә уртаклашу, методик табышлар һәм аларның белем бирү процессында кулланылышы.Утырышта төрле проблемалар күтәрелде һәм бу тема буенча башлангыч класс укытучылары Садыкова Г.Ш., Сибгатуллина А.Т., Сафиуллина А.Т.лар чыгыш ясадылар.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ