ЯҢАЛЫКЛАР

1 март көнне Югары Мәтәске авыл клубында «Спорт ул – сәламәтлек» дигән исем астында спорт ярышлары узды.

Ярышта бик теләп һәм актив булып авыл яшьләре катнашты. Кул көрәше, шашка, шахмат турнирлары уздырылды.  

Үзәк мәдәният йорты директоры сугыш ветераны Малов Василий белән гел очрашып тора.

1 март көнне дә ул  аны «Язның беренче көне» белән тәбрик итте.

Теләче урта мәктәбенең 10 а сыйныфы укучысы Андрей Ершов 18 яшькәчә егетләр һәм кызлар арасында кул көрәше буенча Россия беренчелегендә катнашты.

Андрей 50 кг кадәр авырлыктагы егетләр арасында беренчелекне яулады һәм Чемпион исеменә лаек булды. Андрей киләчәктә Болгариянең София шәһәрендә узачак Европа беренчелегендә Россия данын яклаячак. Аннан соң Малайзия башкаласында узачак дөнья беренчелегендә катнашачак. Андрейны зур җиңүе белән котлыйбыз һәм уңышлар телибез!

Бөек Җиңүнең 70 еллыгы якынлашу уңаеннан 2 март көнне Әбде урта мәктәбендә ветераннарга медаль тапшыру тантанасы үткәрелде.

Укучылар ветераннарга авыл мәдәният йорты белән берлектә әзерләгән концерт тамашасын күрсәттеләр.Концертны оештыручыларга һәм катнашучыларга рәхмәт сүзләрен Бөек Ватан сугышы ветераны Никитин П.П.җиткерде.

Балалар иҗат үзәгенең «Мастерица» түгәрәгенә йөрүче укучылар, өстәмә белем бирү педагогы Загидуллина Р.Т. җитәкчелегендә, Афганистаннан гаскәрләр чыгарылуга 26 ел булуына багышланган тематик выставка оештырылды

 Выставка үзебезнең якташыбыз Афган җирләрендә ятып калган, Миннегали Ногманов истәлегенә багышланды.

Математика, химия , физика укытучылары өчен утырыш үткәрелде.

3 март көнне  Олы Мишә урта мәктәбендә төгәл фәннәр методик берләшмә җитәкчесе - Муллахметова Әлфирә Рәшитовна җитәкчелегендә математика, химия , физика укытучылары өчен  утырыш үткәрелде. 

Тыл ветераннарының хәлләрен белешеп йөрделәр.

Субаш авылы мәдәният хезмәткәрләре  клуб мөдире  Татьяна Романова һәм китапханәче Лидия Петрова  2 март көнне  авылда яшәүче тыл ветераннарының өйләренә йөреп, хәлләрен белешеп йөрделәр. Бүгенге вакытлы матбугат белән таныштырдылар. 

“Ел укытучысы-2015”.

Бүген  Алан авылы клубында “Ел укытучысы-2015” конкурсының муниципаль этабы финалы үтте. Анда Югары Кибәхуҗа урта мәктәбеннән  математика укытучысы  Замалутдинова Айгөл Рауфовна катнашты

Китап күргәзмәсе куелды.

26 февраль көнне Ямбулат авылы китапханәсендә "Халыкның теле ул - рухи яшәешнең беркачан да шиңми торган мәңгелек чәчәге"  дип исемләнгән әңгәмә үткәрү йөзеннән китап күргәзмәсе куелды. 

5-нче сыйныфта “Гаилә бәйрәме”.

Укучыларның әти- әниләре белән танышу, аларга  мәхәббәт, игътибарлы мөнәсәбәт,шәфкатьлелек тәрбияләү, аларның олы зат булуын төшендерү, балалар белән әти-әни арасын тагын да якынайту,  мәктәп һәм гаилә арасында тыгыз элемтә урнаштыру максатыннан 5-нче сыйныфта “Гаилә бәйрәме” үтте.