Муниципаль районнар Теләче муниципаль районы

ЯҢАЛЫКЛАР

февраль, 2015 ел

дүшәмбе

31 гыйнвар көнне Шармыш авылы китапханәчесе мәктәпкә барып башлангыч сыйныф укучылары өчен китапханә сәгате үткәрде, «Жизнь и творчество А.П. Чехова» дип исемләнгән презентация күрсәтте.

Чара барышында китапханәче язучының тормыш юлы һәм иҗаты турында сөйләде, биографиясен сөйләде, китапханәдә булган китапларын күрсәтте.

Теләче урта мәктәбе башлангыч сыйныф укытучысы Шәмсетдинова Гүзәл Рифкатовна “ Сыйныф җитәкчесе-2015” конкурсында катнашып җиңүче булды.

Гүзәл Рифкатовна “ Сыйныф җитәкчесе-2015” конкурсының алдагы этабында район данын яклаячак. Котлыйбыз, уңышлар телибез!

Шәдке авылы мәктәп линейкасында армспорт буенча район ярышында җиңүчеләрне котладылар.

Бүген гомуми мәктәп линейкасында армспорт буенча район ярышында җиңүчеләрне котладылар. Безнең нәтиҗәләр:

1 урын – Аркадьев Николай, Шаронов Владимир, Карпова Елизавета

( 8 сыйныф укучылары).

2 урын – Арсентьев Владислав (7 сыйныф), Колбасова Ольга (9 сыйныф),

3 урын– Аркадьева Оксана (9 сыйныф).

Гомуми команда буенча - 2 урын (малайлар).

Бөек Ватан сугышы тарихында Ленинград блокадасы – иң аянычлы вакыйгаларның берсе. Шул ук вакытта бу совет халкының ныклыгын, фашист илбасарларын җиңүгә ышанычын да күрсәтте.

Шул уңайдан Лесной авыл клубында мәктәп балалары белән «Онытырга мөмкин түгел» дип исемләнгән стенд янында әңгәмә үткәрелде.

31 гыйнвар көнне Балалар иҗат үзәгенең “Авиамодельләштерү түгәрәгенә йөрүче укучылар, өстәмә белем бирү педагогы Нуртдинов Р.Р. улы җитәкчелегендә, кәгазь самолет модельләрен очырту буенча Беренче ачык чемпионатта катнаштылар.

Бу чара Казан шәһәрендә узды һәм монда Татарстан Республикасының барлык төбәкләреннән укучылар катнашты.

Хәзерге вакытта кулдан эшләнгән әйберләр бик үзенчәлекле.

Үзең эшләгән әйберләрне якын кешеләргә бүләк итү үзе бер рәхәт. Олы Мишә авылы мәктәбе укучылары технология дәресләрендә төрле әйберләр эшләргә яраталар. Бәхет агачы – топиарийны эшләү мавыктыргыч та, кызык та.

31 январь көнне Ямбулат авылы клубында "Шушы яктан, шушы туфрактан без" дип исемлэнгэн кичә үткәрелде.

Бәйрәмгә читтә яшәүче авылдашларыбыз кайтты. Кичә бик күңелле үтте. Авылның үткәне, бүгенгесе барланды. Кичә 3 сәгать дәвам итте. Кайткан кунаклар да, авылда яшәүчеләр дә канәгать булып калды.

Баландыш авылы мәдәният йортында клуб берләшмәләре белән эш даими рәвештә, план нигезендә дәвам итә. “Сәйлән” бию төркеме белән биюләр өйрәнүне дәвам итәбез.

2нче февраль көнне бию төркеменең чираттагы репетициясе булып узды. “Сәйлән” бию төркеменә йөрүче кызлар белән (алар: Хафизова Алинә, Гарипова Гүзәл, Мухаметшина Рәфинә, Шарипова Илзирә, Халикова Зөбәрҗәт, Ситдикова Ландыш)татар кызлары биюен яңа элементлар белән баетып өйрәнә башладык. Бию 9нчы февральдә булачак авыл җыенында сәхнәдә куелачак.

31 гыйнвар көнне Әбде авылы китапханәсендә мәктәп белән берлектә «Прикоснись к подвигу» дип исемләнгән сыйныйф сәгате үткәрелде.

Әлеге сәгатьнең максаты балаларда Бөек ватан сугышы турындагы белемнәрен арттыру иде. Мероприятия барышында Советлар Союзы Герое А.К. Ксенофонтовка багышланган презентация күрсәтелде.

Чигү-декоратив-гамәли сәнгатьнең борынгы һәм киң таралган, күпләрнең кулыннан килә торган төре.

31 гыйнвар көннеАйдар авылы китапханәсендә оештырылган "Чигүләрдә күңел җылысы" исемле күргәзмәгә физик мөмкинлекләре чикле булган Лилия Галявиеваның кул эшләре һәм Н.Сергееваның "Татар сынлы сәнгате", "Татар чигүе" китаплары да куелды. Бу китапларны файдаланып халкыбызның гамәли бизәлеш сәнгате, төрле чигү ысуллары белән якынрак танышырга, чигү серләренә өйрәнергә була. Әлеге күргәзмә кул хезмәте белән башкарылган һәм матурлык чыганагы булган эшләрне бәяләүчеләргә кызыклы булыр.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ