ЯҢАЛЫКЛАР
2021 елнын 25 январендә Шәтке мәдәният йортында авыл җирлеге Советының 2020 елда эшләгән эшләре турында отчет җыелышы булды. Җыелышта Теләче муниципаль район башлыгы Хаҗипов Н.Н., Теләче районы оешма җитәкчеләре һәм авыл җирлекләре башлыклары катнашты. Авылда 2020 елда мәдәният тормышы турында Габдуллина Ф.Н. сойләп үтте. Фоейда “Сәйлән” һәм “Кояшкай” берләшмәләренең кул эшләреннән күргәзмә куелды.
Теләче үзәк китапханә хезмәткәрләре 27 гыйнвар көнне янгын сүндерү бүлегендә һәм сәүдә нокталарында булып Туган телләр һәм халыклар бердәмлеге елы уңаеннан татар классик язучыларның әсәрләрен тәкъдим итте.
1944 елның 27 гыйнварында 900 көн һәм төн дәвам иткән Ленинград блокадасы өзелә. 26 гыйнвар көнне әлеге тарихи дата уңаеннан, Айдар авыл китапханәсе мәдәният йорты белән берлектә "Ленинград блокадасы - тарихның онытылмас бите"дип исемләнгән мәгълүмат сәгате үткәрде. Укучыларга сугышның авыр көннәре, Ленинград камалышында яшәгән балалар, Ленинград укучысы Таня Савичеваның көндәлеге, аның гаиләсе һәм сугышка кадәрге тормышы, кызның ничек итеп якыннарын югалтуы, блокадада калуы турында сөйләнде. Камалыштагыларның икмәк нормасы, икмәк карточкаларының нәрсә икәнлеге турындагы әңгәмә балаларда зур тәэсир калдырды. Мондый чаралар Ленинград һәм Бөек Ватан сугышы елларында совет халкы батырлыгының әһәмиятен ачып бирә, патриотизм, үз ватаныңа мәхәббәт хисен тәрбияли, аны фашизмнан саклаучыларны хөрмәт итәргә өйрәтә.
25 гыйнвар - Бөтенроссия күләмендә Студентлар көне буларак билгеләп үтелә. Студент еллары - һәрбер кеше язмышында онытылмас хатирәләр белән истә кала торган чор. Бәйрәмнең килеп чыгу тарихы 1755 елда, императрица Елизавета Петровна Мәскәү университетын булдыру турындагы указга кул куйганда башлана. Студентлар көнен бәйрәм итү уңаеннан 25 гыйнвар көнне Айдар авылы китапханәсе социаль челтәр битендә "Студент елларының онытылмас мизгелләре...” дип исемләнгән онлайн күргәзмә тәкъдим итте.
Чараның максаты - укучыларда Бөек Ватан сугышы турында күзаллауны киңәйтү, солдатларыбызның батырлыклары белән таныштыру, патриотизм хисе, Ватаныбыз өчен горурлык хисләре тәрбияләү.
25 - январь көнне Шәдке Мәдәният йортында авыл җыены булып узды.Ел да оештырыла торган бу җыенда Теләче муниципаль районы башлыгы Хазипов Нәҗип Нәкыйпович һәм районыбызның башка тармак җитәкчеләре катнашты. Бу җыенда безнең Шәдке балалар бакчасы мөдире Шайхиева Г.М.балалар бакчасының 2020 -ел эшчәнлегенә кыскача анализ ясап китте.
Бу темага бик күп сөйләшүләр алып барыла, стендлар һәм папкалар эшләнә. 23 гыйнвар көнне Олы Мәтәскә авылы мәдәният хезмәткәрләре югары сыйныф укучылары белән чираттагы очрашуны оештырдылар. “Без терроризмга каршы”дип исемләнгән бу чарада укучыларга терроризмның ни дәрәҗәдә куркыныч булуы, шикле кешеләр һәм әйберләр янында үз-үзеңне ничек тоту турында аңлатылды. Шулай ук эшләнгән папкалар, стендлар белән таныштырылды.
24 гыйнвар көнне Субаш авыл китапханәсендә Халыкара Холокост корбаннарын искә алу көне уңаеннан укучылар өчен «Холокост – больше никогда» дип исемләнгән тематик дәрес үткәрелде, презентация күрсәтелде. Максаты: толерант аң, тарихи фикер йөртү һәм геноцид корбаннарына хөрмәт тәрбияләү.
Сауш авылы китапханәсендә 2021 ел –Татарстанда туган телләр һәм Халыклар бердәмлеге елы уңаеннан “Теле барның иле бар” дигән исем астында китап күргәзмәсе куелды.
Югары Кибәхуҗа авылы китапханәчесе Төрек -Тәмте авылында булып, халыкны яңа китаплар, матбугат яңалыклары белән таныштырды. Китап укучылар ошаган китапларны укырга алып калды.