ЯҢАЛЫКЛАР
2022 нче елның 4 нче апреленнән 5 нче апреленә кадәр Болгар шәһәрендә балаларга өстәмә белем бирү педагогы Илнар Камил улы Нәҗметдинова 2005-2006 нчы елгы яшүсмерләр арасында мини – футбол буенча Татарстан Республикасы Кубогының финал этабында катнашты. Команда составы: Саттаров Булат, Закиров Рәмис, Фәрхуллин Әмир, Кучер Кирилл, Гузаиров Азат, Апивалин Равил, Имамиев Әмир, Нәҗметдинов Адель, Яхин Ислам.
Уен нәтиҗәләре буенча безнең егетләр киеренке көрәштә 2 нче урынны яуладылар.
1943 елда балалар язучысы Лев Кассиль башлангычы белән гамәлгә кергән бу бәйрәмнең төп геройлары булып бүген дә Китап, Укучы, Язучы һәм Китапханә тора.
05.04.2022 елда безнең балалар бакчасына диспансеризация үткәрү өчен район балалар поликлиникасыннан табиб - белгечләр килеп киттеләр. Балалар бакчасында балаларны диспансерлаштыру расланган график буенча бара. Диспансерлаштыруны уздыруда табиб-белгечләр катнаша, алар баланы карау нәтиҗәләре буенча медицина картасына бәяләмә кертә. Балалар бакчасында диспансерлаштыру елына 1 тапкыр үткәрелә. Быел балаларга профилактик тикшерүне түбәндәге составта табиб – педиатр, офтальмолог, отоларинголог, стоматолог үткәрде.
Ел саен апрель башында атаклы әкиятчесе Ганс Христиан Андерсен хөрмәтенә Халыкара балалар китабы көне билгеләп үтелә һәм шул максат белән без китапханәче Гильмутдинова Р.Ш. һәм Хабибуллина Н.Р. ны чакырдык, алар аның иҗаты белән таныштырдылар. Балалар бик теләп әкиятләр тыңладылар һәм сорауларга актив җавап бирделәр.
2022 ел очен расланган график нигезендэ район авыл хужалыгында эшлэуче хужалыклардагы трактор хэм тагылма арбаларга техник карау бара. 4 апрель конне мондый чара Г.Ф. Ахметова КФХ да башкарылды.
Халыкара кошлар көне уңаеннан Айдар авыл китапханәсендә язучы-натуралистлар китаплары буенча“Исәнмесез кошлар, безнең дуслар!” дип исемләнгән әдәби уен оештырылды.
Олы Мәтәскә авылында Карга боткасы бәйрәмен үткәрү традицияга әйләнеп бара. Менә бүген дә, 1 апрель көнне, мәдәният йорты каршында кошларның җылы яктан кайтуы билгеләп үтелде. Көн матур булганлыктан бәйрәмгә килүчеләр дә күп булды. Алар белән “Түгәрәк”, “Түбәтәй”, “Кабыргалы-камчылы” уеннары уйналды. Балалар кошларга багышланган шигырьләр сөйләделәр, мәкальләр, табышмаклар һәм сынамышлар әйтештеләр. Мәдәният хезмәткәрләре аларга кошларга кагылышлы кызыклы сораулар бирде. Бәйрәмгә килүчеләр барысы да (олысы да, кечесе дә) казанда пешекән ботка белән сыйландылар. “Карга боткасы” бәйрәме бик күңелле узды.
Ярышлар нәтиҗәләре буенча ир-атлар командалары арасында Казан шәһәре беренчелегенә 2021-2022 елгы мини-футбол буенча (II лига) ярышлар узды. Теләче районы командасы, Балтач һәм Саба районнары командаларыннан калышып, 3 урынны алды.
Шәтке урта мәктәбе базасында физик культура укытучысы булып эшләгән Гыйлемҗан Габделбәр улы Мингалиев истәлегенә волейбол ярышлары узды. Бәйгедә җиде команда катнашты. Чараның ачылу тантанасында район җитәкчеләре дә катнашып, үзләренең теләкләрен җиткерде.
Олы Мишә урта гомум белем бирү мәктәбендә БДИ га әзерлек буенча максатчан эш алып барыла. Язгы каникул чорында укучылар өчен рус теле, математика һәм сайлап алу фәннәреннән консультациялар уздырыла.