ЯҢАЛЫКЛАР
Дөньядагы һөнәрләрне санап бетереп булмый. Алар көннән-көн арта бара. Менә шул һөнәрләр арасыннан һәр кеше үзенә туры килгәнен сайлап алырга тиеш. Ул һөнәр аңы гомер буена озата барыр. Һәрбер кешенең һөнәр сайлауга кызыксынуы балачактан ук уяна. Мәктәптә күбрәк һөнәрләр турында сөйләшсәк, аларны сайларга җиңелрәк булыр. Шул максаттан Максабаш башлангыч мәктәбендә “Һөнәрләр илендә” темасына тәрбия сәгате үткәрелде.
14 март көнне Иске Җөри авылында районкүләм “Татар егете – 2022” бәйгесе үтте. Биредә 11 мәктәптән егетләрнең иң-иң асыллары катнашты. 11 егет, 11 катнашучы, 11 үз-ара көч сынашучы! Алар зур горурлык белән сәхнәдә үзләренең мәктәп данын яклады. Баландыш төп мәктәбеннән әлеге мәртәбәле конкурста 9 нчы сыйныф укучысы Галләмов Мурат катнашты. Мурат үз осталыгын өч номинациядә күрсәтте. “Визитка”, “Сорау-җавап”, “Иҗади бирем” номинацияләрендә Мурат һәм аңа көч бирүче сыйныфташлары зур осталык белән башкарып чыкты! Афәрин! Конкурс нәтиҗәләре буенча Мурат Галләмов “Иң зыялы егет” номинациясендә җиңүче дип танылды! Котлыйбыз! Муратка алга таба да уңышлар теләп калабыз!
14 март көнне Балалар иҗат үзәгенең өстәмә белем бирү педагогы Вохмина Г.Р. , “Хезмәттәшләрдән өйрәнәбез” дип исемләнгән методик атналык кысаларында районыбыз педагоглары өчен мастер-класс оештырды. Мастер-класс биш юнәлеш буенча узды: нокталы рәсем сәнгате, келәм чигү, яндыру, кинусайга, чигү. Барлык техникаларны да “Фантазеры” һәм “Рукотворушка” берләшмәләре укучылары күрсәтте, җитәкчеләре өстәмә белем бирү педагогы Вохмина Г.Р.
Бүген ТР буенча Россия ГТХМ Баш идарәсенең Саба һәм Теләче муниципаль районнары буенча районара күзәтчелек эшчәнлеге бүлегенең баш белгече, эчке хезмәт майоры Тимерханов Л.М. эвакуация һәм авария чыгу урыннарының торышы турында Теләче 3нче номерлы балалар бакчасы тәрбиячеләре белән әңгәмә үткәрде.
Россия Пенсия фондының Татарстан Республикасы Бүлекчәсе уллыкка бала алган гражданнарга бер тапкыр түләнә торган пособие турында искә төшерә.
Конкурста барлыгы 11 мәктәптән 8,9,10 сыйныф егетләре катнашты. Нәтиҗәләр түбәндәгечә булды:
Әйлән-бәйлән уеннары -төрле белем һәм күнекмәләрне үстерүнең иң яхшы ысулларының берсе. Хороводлар хореографик хәрәкәтләрне, җырны, диалогны үз эченә ала. Әйлән-бәйлән уенында катнашу һәм өйрәнү балаларда хәрәкәтләрне, ритм хисе, хыял һәм фантазияне үстерергә ярдәм итә.
14 март көнне Иске Җөри мәдәният йортында "Татар егете - 2022" муниципаль конкурсы үткәрелде. Егетләр “Тәкъдир итү”, “Интеллектуаль белем” һәм “Иҗади бәйге” кебек биремнәр буенча көч сынаштылар. Бу биремнәрне үтәгәндә аларга кызлар бик теләп булышты. Әлеге бәйгедә Югары Кибәхуҗа урта мәктәбе данын яклап безнең укучыбыз Гимадиев И. катнашты. Ул “Иң батыр егет” номинациясендә җиңү яулады. Илүсне җиңүе белән котлыйбыз, аңа киләчәктә зур уңышлар телибез!
Кеше тормышында суның роле бик зур. Су- яшәү чыганагы. Шуңа күрә өлкәннәр дә, балалар да төче суны ничек сакларга кирәклеген белергә тиеш. Без, педагоглар, экологик яктан белемле, әхлакый яктан тәрбияле бала тәрбияләү өчен кулдан килгәнчә өлеш кертергә тиеш. Бу эшне балалар бакчасыннан башлау мөһим. Бүген Теләченең 1нче номерлы балалар бакчасында «Халыкара елгалар көне»нә багышланган тематик шөгыльләр узды. Тәрбиячеләр бу бәйрәмнең барлыкка килү тарихы, сулыкларда яшәүче җан ияләрен саклау турында сөйләделәр. Мишә һәм Тюлячка елгаларына аерым басым ясалды . Чаралар барышында табигатьтә үзеңне дөрес тотарга һәм аны чүпләмәскә кирәклеге ассызыкланды.
2022 елның 13 мартында Татарстан Республикасы Түбән Кама муниципаль районының «Техник иҗат һәм һөнәри юнәлеш бирү үзәге» муниципаль автономияле өстәмә белем бирү учреждениясе базасында Татарстан Республикасы укучылары арасында авиамодельләштерү буенча «Импульс – 2022» Республика ярышлары узды. Балалар иҗат үзәге укучылары, өстәмә белем бирү педагогы Нуртдинов Р.Р. җитәкчелегендә әлеге ярышларда актив катнаштылар.