ЯҢАЛЫКЛАР
2021 елның 2 март көнендә Олы Кибәхуҗа авылында яшәүче тыл ветераны Исмәгыйлова Рәисә Хәбибулла кызына 95 яшь тулды. Шул уңайдан Рәисә апага Россия Президенты Владимир Путинның, Теләче муниципаль район башлыгы Нәҗип Хаҗиповның тәбрикләмәләре тапшырылды. Район башкарма комитеты җитәкчесенең социаль мәсьәләр буенча урынбасары Динар Гыйниятуллин, район социаль яклау бүлеге җитәкчесе Фәридә Галимова һәм Кече Кибәхуҗа авыл җирлеге башлыгы Ирек Загидуллин да Рәисә апага изге теләкләрен җиткереп, истәлекле буләк тапшырдылар.
2021 елның 1-2 мартында Мамадыш шәһәрендә 2004-2005 елларда туган егетләр арасында мини – футбол буенча Татарстан Республикасы Кубогының зона этабы узды, анда 5 команда катнашты. Теләче муниципаль районы мәктәпкәчә белем бирү педагогы Илнар Камил улы Нәҗметдинов җитәкчелегендә Теләче һәм Үзәк урта мәктәпләреннән егетләр катнашты. Уен нәтиҗәләре буенча безнең команда 4 нче урынны яулады.
1 март көнне Олы Мишә урта гомумбелем бирү мәктәбе базасында туган якны өйрәнү, укучыларга патриотик тәрбия бирү максатыннан, "Табигый мирас" район проектлар конкурсы уздырылды. Әлеге конкурста безнең Баландыш төп мәктәбе укучылары да катнашып, призлы урыннарга лаек булдылар:
26 нчы февральдә Теләче урта мәктәбе педагог- оештыручылары Кочергина Зөлфия Бариевна , Закирова Айсинә Рөстәмовна һәм 10 нчы сыйныф җитәкчесе Мөһәмәтшина Рәилә Рәҗәповна “ Кеше тәрбияләргә” Бөтенроссия конкурсының муниципаль этабында катнаштылар һәм уңышлы чыгыш ясадылар. Бу конкурс укытучыларны яңа җиңүләргә рухландыра. Котлыйбыз!
Кызыл байраклы , Жуков һәм Октябрь революциясе орденлы, армия генералы С.М. Штеменко исемендәге Краснодар югары хәрби училищесы 16 - 22 яшьлек егетләрне укырга чакыра .
25 февраль көнне районда Татарстанның Дәүләт Советы рәисе урынбасары, Президент каршындагы Татар телен саклау һәм үстерү мәсьәләләре комиссиясе рәисе Марат Әхмәтов катнашында, татар телен үстерү буенча республика семинар -совещаниесе булып үтте.
Агымдагы елның 26 февралендә Яшел Үзән шәһәрендә ГТО Бөтенсоюз комплексы оешуга 90 ел тулуга багышланган Татарстан Республикасы халкы арасында «Хезмәткә һәм оборонага әзер» (ГТО) Бөтенроссия физкультура-спорт комплексы республика кышкы фестиваленең финалы узды. Ярышларда Татарстан Республикасының зона этапларында җиңүче 11 команда катнашты.
20 февраль көнне Югары Кибәхуҗа авылы китапханәсендә мәдәният йорты һәм Максабаш мәдәният хезмәткәрләре белән берлектә “Үз ана телем - минем өчен иң матур тел” дип исемләнгән тематик кичә үткәрелде. Тел турында сөйләшү – милләт язмышы турында сөйләшү ул. Тел байлыгын, тел кыйммәтен ничек бәяләргә, сакларга? Тел, әдәбият, гореф-гадәтләр, йолаларыбызны киләчәк буыннарга ничек тапшырырга? Әлеге чарада сүз әнә шулар хакында барды, җаваплар эзләнде.
Иске Җөри авылы китапханәсендә мәшһүр җырчы Илһам Шакировның иҗатына багышланган “Илһам Шакиров - татар халкының рухи көзгесе” дип исемләнгән әдәби сәгать үткәрелде. Әңгәмә барышында катнашучыларга җырчының тормышы, иҗат юлы турында видеоязма күрсәтелде, аңа багышланган китапларга күзәтү үткәрелде.
Туган илебезнең, торган җиребезнең кадерле булуын да без иң элек туган тел аша тоябыз. Һәр халыкның туган теле – ул аның мәдәнияте,тарихи көзгесе. 21 нче февраль Халыкара туган тел көне дип игълан ителде. Шул уңайдан, туган телебезгә карата мәхәббәт, горурлык хисләре тәрбияләүне, телебезнең сафлыгын, матурлыгын, аһәңлеген кадерләп саклауны максат итеп, Айдар авыл китапханәсе “Анам теле-телләр теле, милләтемнең бердәнбере” дип исемләнгән онлайн шигъри марафон уздырды. Укучыларның марафонга катнашуы, туган телебез - татар телендә үз сәләтләрен күрсәтәсе килүе, аеруча уңай тәэсир калдырды.