«Хәрби корреспондентлар " дәресе

2022 елның 28 апреле, пәнҗешәмбе

27 апрель көнне 5-9нчы сыйныфларда хәрби корреспондентлар турында дәрес узды. Балаларга бүгенге көндә корреспондент һөнәре һәм аларның сугыш вакытында башкарган эшләре турында сөйләделәр. Бөек Ватан сугышы вакытында һөнәр аеруча популяр булган. Нәкъ менә шул вакытта күп кенә шагыйрьләр, язучылар, корреспондентлар, фотографлар, дикторлар үз теләкләре белән язылганнар һәм фронтка киткәннәр, хәрби частьларга, госпитальләргә һәм азат ителгән шәһәрләргә барганнар. Хәрби корреспондентлар Бөек Ватан сугышы елъязмасын буыннар өчен саклап калганнар.