15 май-Халыкара гаилә көне

2022 елның 18 мае, чәршәмбе

15 май-Халыкара гаилә көне. Бу көн Россиядә 1994 елдан бирле билгеләп үтелә. Бу заманда һәр кешегә кайтып сыеныр өчен җылы учак, тыныч почмак булуы кирәк. Ни генә булмасын, кеше үз гаиләсе кочагында ял итә, рухи көч җыя. Әлеге датага карата Урта Мишә авылы мәдәният хезмәткәрләре “Гаилә- ил терәге” дигән исем астында түгәрәк өстәл артында сөйләшү үткәрделәр. Кеше тормышында гаиләнең мөһимлеге,бер-береңне хөрмәтләү хакында әңгәмә алып барылды. Шулай ук “Гаиләдә һәркем китап белән дус” дип исемләнгән китап күргәзмәсе куелды. Күргәзмәгә гаилә турында, балалар һәм әти- әниләр мөнәсәбәте турында китаплар һәм журналлар урнаштырылды.