Чишмә-безгә табигать биргән кыйммәтле байлык
Чишмә-безгә табигать биргән кыйммәтле байлык, ул җирдә тормыш символы. Чишмәләр ярдәмгә һәм кайгыртуга мохтаҗ. Әйләнә — тирә мохитне, табигый байлыкларны саклау, киләчәк буыннар өчен-бу проблемалар хәзерге вакытта зур актуальлек алды. Шуңа күрә Айдар авыл мәдәният йорты хезмәткәрләре, китапханәче ,13 нче май көнне ,ел саен үткәрелә торган «Яшә чишмә, яшә» экологик акциясендә катнаштылар. Чишмәләр борынгы заманнардан бирле яшәү чыганагы булып санала. Алар Бөек елгаларга башлангыч бирә, күп кенә чишмәләр шифалы булып санала, аларда һәрвакыт чиста һәм саф су ага. Акциядә катнашучылар чишмә янындагы территорияне ,сукмакларны чүп-чардан чистарттылар. Башлангыч сыйныф балалары да бик тырышып эшләде. Эштән соң, салкын чишмә суын эчеп, алар күтәренке күңел һәм яхшы кәеф алдылар,һәрберсе чишмә суын тутырып өйләренә алып кайтып киттеләр.