Теләче үзәк китапханәсе Туган тел көненә һәм Ватанны саклаучылар көненә багышланган “Без тынычлык телибез” дип исемләнгән флешмоб үткәрде. Бу чараның максаты: китап аша балаларга патриотизм һәм туган илгә эчкерсез мәхәббәт хисләрен саклап калу һәм үсеп килүче буынга тапшыру, әдәбиятны популярлаштыру, укучыларны берләштерү, китап укуга кызыксыну уяту. «Тынычлык хакына укы» акциясе on-linе форматында «Телеграм» һәм «ВКонтакте» социаль челтәрләрендә узды. Видеоязмалар китапханә сайты битләрендә #Читайвоимямира хештегы белән куелды. Әлеге чарада 57 кеше, алар арасында мәктәпкәчә һәм мәктәп яшендәге балалар, студентлар, пенсионерлар, эшчеләр һәм белгечләр, мәдәният учреждениеләре хезмәткәрләре катнашты.