Район хуҗалыкларында профилактик чаралар үткәрелде.

2024 елның 18 сентябре, чәршәмбе

            Татарстан Республикасы Дәүләт техника күзәтчелегенең Теләче муниципаль районы бүлеге тарафыннан, эксплуатацияләгән вакытта үзйөрешле машиналарның һәм прицепларның техник торышын тикшерү буенча профилактик рейд үткәрелде.

            Мондый чараларның төп максаты - хокук бозуларны профилактикалау, юл хәрәкәте куркынычсызлыгын, тракторларны, үзйөрешле авыл хуҗалыгы машиналарын һәм тагылма арбаларны эксплуатацияләгәндә куркынычсызлык техникасын һәм әйләнә-тирә мохитне саклауны тәэмин итү булып тора.

            Шул ук вакытта үзйөрешле машиналарны һәм аларга тагылма арбаларны эксплуатацияләүче затларның тракторчы-машинист таныклыклары, теркәү документлары һәм техник карау узу турында таныклыклар һ.б. тикшерелә.