"Халкыбызның хәрәкәтчән уеннары –балалар сәламәтлегенә юл"

2024 елның 24 сентябре, сишәмбе

Сауш авыл китапханәчесе мәдәният йорты мөдире белән берлектә балалар өчен "Халкыбызның хәрәкәтчән уеннары –балалар сәламәтлегенә юл" дигән күңел ачу - уен сәгате үткәрделәр. Күп гасырлар дәвамында балалар өчен халык уеннары бәйрәмнәрнең бер өлеше һәм үсеп килүче буынны тәрбияләү элементы булган. Ә тагын халык хәрәкәтчән уеннары - ул балаларны сәламәт яшәү рәвешенә тарту ысулы. Милли уеннар балаларда тизлек, җитезлек, көч үстереп кенә калмыйча, үз-үзләрен тотуның билгеле бер нормаларын һәм кагыйдәләрен үтәргә дә өйрәтә. Чара барышында балалар борынгы халык уеннары турында күп нәрсә белделәр, уеннарда актив катнаштылар.