“Җиде бабаңны беләсеңме?”

2024 елның 9 октябре, чәршәмбе

Халыкара гаилә көненә багышланган чаралар кысаларында Иске Җөри авыл модель китапханәсендә “Җиде бабаңны беләсеңме?” дип исемләнгән шәҗәрә бәйрәме үткәрелде. Татар халкында элек-электән ата-баба нәселен, җиде буынны белү изге бурыч булып саналган. Үз ыруыңның кабатланмас тарихын белү, фамилияңнең һәм ата-бабаларның язмышын өйрәнү, шәҗәрәсен төзү гаиләдә буыннар чылбырын өзелмәслек итеп бәйләргә, балалар белән ата-аналар арасындагы мөнәсәбәтләрне ныгытырга ярдәм итә.

   Чарага Фәләхиевлар гаиләсе чакырылган иде, алар балаларга тирән мәгънәгә ия булган җиде буын, буыннар бәйләнеше, шәҗәрә төшенчәләре турында сөйләде.