«Без бергә» дигән мәгълүмат сәгате үткәрелде.
30 сентябрьдә безнең илдә яңа истәлекле дата – Донецк Халык Республикасы, Луганск Халык Республикасы, Запорожье өлкәсе һәм Херсон өлкәсе Россия Федерациясе белән берләшү көне билгеләп үтелә. Ике ел элек бу территорияләрдә яшәүчеләр референдумнарда Россиягә кушылу турында Карар кабул иткәннәр. Яңа истәлекле дата кысаларында Әбде авыл китапханәсендә мәктәп һәм мәдәният йорты белән берлектә «Без бергә» дигән мәгълүмат сәгате үткәрелде. Балалар 2022 елның көзендә Россия белән яңадан кушылуның ничек килеп чыгуы, сигез ел дәвамында төбәк халкының рус телендә сөйләшү хокукын яклап, бәйсезлек һәм танылуга ирешү өчен нинди авыр юл үтүе, республика тарихындагы мөһим вакыйгалар, Донбассның Россия өчен әһәмияте, шулай ук хәзер Ватаныбызны саклаучылар турында белделәр. Балалар яңадан кушылуның бәхетле мизгелләре, Донбасс һәм Луганскны торгызу, яңа проектлар һәм зур планнар турында материал карадылар.