"Гаилә командасы "
7 ноябрь көнне «Батыр» спорт комплексында "Алдынгыларны чакыру" Бөтенроссия иҗтимагый-дәүләт балалар хәрәкәтенең "Алдынгылар хәрәкәте" һәм Гаилә елы "Бөтенроссия проекты кысаларында "Гаилә командасы " спорт Гаилә фестивале узды.
Катнашучыларга сәламләү сүзе белән Теләче муниципаль районы башлыгы Фәтхуллин А. Г. һәм «Алдынгылар хәрәкәте» нең Теләче муниципаль районындагы төбәк бүлекчәсе җитәкчесе Сабирова А. Р. чыгыш ясадылар!
Гаилә-мәхәббәт, ярдәм һәм илһам чыганагы. Фестиваль гаиләләргә үзләренең спорт сәләтләрен күрсәтергә, үзара мөнәсәбәтләрне ныгытырга, уртак максат өчен берләшергә һәм бер-берсенең ярдәмен тоярга мөмкинлек бирде. Безнең Теләче 3 нче номерлы балалар бакчасыннан мәктәпкә әзерлек төркеме тәрбияләнүчеләре (тәрбиячесе Хуҗина Р.Г.) Низамовлар гаиләсе һәм Хафизовлар гаиләсе катнашты.
Балалар һәм өлкәннәр үзләренең җитезлекләрен һәм чыдамлыкларын тикшерделәр. Сынаулар төрле булды. Һәркем үзенең кечкенә рекордын куйды. Безнең командалар чын дуслык, команда рухы һәм бетмәс-төкәнмәс энергия күрсәттеләр! Гомүмән катнашучылар гаҗәеп спорт ихтыярын һәм чыдамлыгын күрсәттеләр, ә ярышларда атмосфера гаҗәеп уңай иде!
Ярыш йомгаклары буенча Низамовлар һәм Хафизовлар гаилә командаларына Рәхмәт хаты тапшырылды. Тагын Хафизовлар гаиләсе
оригиналь видеоролик өчен махсус приз, «Гаилә тарихлары»видеога төшерүгә бүләк сертификаты белән бүләкләнде. Спорт фестивалендә катнашучыларның барысына да дипломнар һәм истәлекле бүләкләр тапшырылды!
Теләче 3нче номерлы балалар бакчасы гаилә командаларына рәхмәт белдерәбез, алар безнең пилот балалар бакчасын гаилә спорт фестивалендә бик яхшы тәкъдим иттеләр! Сез-җитезләр! Үзегезнең үрнәгегез белән сәламәт яшәү рәвешенә мәхәббәтегезне күрсәтәсез һәм балаларга спорт кыйммәтләрен сеңдерәсез. Бу ярышлар балаларның, ата-аналарның көч сынавы гына түгел, һәр гаиләнең бердәмлеген дә күрсәтте.