Муниципаль районнар Теләче муниципаль районы

Җәүдәт Дәрзаманның 80 яшь тулу уңаеннан әдәби сәгать үткәрделәр.

2025 елның 14 октябре, сишәмбе

11 октябрь көнне Иске Җөри балалар бакчасында китапханәчеләр мәшһүр татар шагыйре Җәүдәт Дәрзаманның 80 яшь тулу уңаеннан әдәби сәгать үткәрделәр. Җәүдәт Дәрзаман - иң танылган балалар язучыларының берсе. Аның иҗаты балалар өчен язылган кызыклы шигырьләр, мавыктыргыч әкиятләр, поэмалар һәм повестьлардан гыйбарәт. Чара барышында балалар шагыйрьнең тормышы һәм иҗаты турында бик күп кызыклы мәгълүматлар белделәр. Китапханәчеләр авторның кайбер әсәрләрен укып, балаларны поэзия дөньясына алып керделәр. Бу чара балаларда әдәбиятка кызыксыну уяту һәм татар мәдәнияте белән таныштыру өчен бик мөһим булды.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

ноябрь, 2025 ел

Теләче районы ҖЧҖ «Мишә» оешмасында дәүләт техник карау үткәрелде

Агымдагы елның 19 ноябрендә Теләче муниципаль районының «Мишә» ҖЧҖендә тракторларга, үзйөрешле машиналарга һәм прицепларга техник тикшерү уздырылды. Карауга 11 берәмлек техника куелган иде.

ноябрь, 2025 ел

14 ноябрь көнне Югары Кибәхуҗа авылы китапханәсе китап укучылар белән берлектә “Татарча диктант” бөтендөнья белем бирү акциясендә катнаштылар.

Диктант язуда барлык теләүчеләр дә үз көчләрен сынап карый алды. Ел саен үткәрелә торган «Татарча диктант» акциясе татар телен дөрес итеп язу, орфографик һәм грамматик хаталарны үз-үзеңә тикшерү максатыннан үткәрелә. Бу чара татар теленә булган кызыксынуны арттыру, телне өйрәнү һәм грамоталылыкны күтәрү өчен бик мөһим. Диктант барышында катнашучылар үзләренең белемнәрен тикшереп, татар теленең матурлыгын һәм байлыгын тагын да яхшырак аңладылар.

Терроризм – аерым кешеләр яки төркемнәр тарафыннан кешелеккә каршы көч кулланып эшләнелә торган иң куркыныч җинаятьләрнең берсе.

Ул кешеләргә генә түгел, ә бөтен илгә дә зур зыян китерергә мөмкин. Шул уңайдан 15 ноябрь көнне Урта Мишә авылы китапханәсендә “Терроризмга каршы бергәләп” дип исемләнгән күргәзмә әзерләнде һәм әңгәмә үткәрелде. Бу чарада терроризм һәм экстремизм темаларына игътибарны арттыру, кешеләрне саклыкка һәм игътибарлылыкка өндәү максаты куелды. Әңгәмә барышында һәрберебезнең терроризм корбаны булуы ихтималы турында сөйләшенелде. Шикле кешеләр белән очрашканда, иясез әйберләргә тап булганда нәрсә эшләргә кирәклеге турында киңәшләр бирелде.

14 ноябрь көнне Казаклар авылы китапханәсендә “Татарча диктант” акциясе үтте.

Татарча диктант туган телебезгә хөрмәт белдерү, татар телендә хатасыз язарга өйрәтү, әдәби татар телен кулланучыларның даирәсен арттыру, орфографик һәм грамматик хаталарны тикшерү максатыннан үткәрелә. Диктант язганда күпләргә акция мәктәп елларын искә төшерде. Диктант язган һәр кешегә рәхмәт хатлары тапшырылды.

ЯҢАЛЫКЛАРГА ЯЗЫЛУ