“Татарстан Конституциясе - халкым горурлыгы”

2025 елның 11 ноябре, сишәмбе

5 ноябрь көнне Иске Җөри авылы модель китапханәсе китапханәчеләре “Татарстан Конституциясе - халкым горурлыгы” дип исемләнгән тематик сәгать үткәрделәр. Чара Татарстан Республикасының Конституциясе көненә багышланган иде. Китапханәчеләр Конституциянең һәр ил гражданины өчен мөһимлеген, аның законнарын белү һәм дөрес куллануның цивилизацияле тормыш өчен кирәклеген ассызыкладылар. Китапханәчеләр шулай ук республиканың истәлекле урыннары, символлары (флагы, гербы, гимны) турында кызыклы мәгълүматлар тәкъдим иттеләр. Чара ахырында балалар викторинада катнашып, сорауларга җавап бирделәр.