Муниципаль районнар Теләче муниципаль районы

1-10 декабрьдә Россиядә Халыкара инвалидлар көненә багышланган Инвалидлар декадасы уза, ул ел саен 3 декабрьдә билгеләп үтелә.

2025 елның 7 декабре, якшәмбе

Чараның төп максаты – җәмгыятьнең игътибарын инвалидлар проблемаларына юнәлтү, мөмкинлекләре чикләнгән кешеләрне иҗтимагый социаль, мәдәни һәм икътисади тормышка җәлеп итүгә юнәлтелгән даими эш үткәрүнең зарурлыгын ассызыклау. Инвалидлар декадасы кысаларында Теләче үзәк китапханәсендә «Кул эшләре йөрәккә һәм җанга дәва» дип исемләнгән кул эшләреннән күргәзмә оештырылды. Күргәзмәдә мөмкинлекләре чикләнгән укучыларыбыз Миләүшә Шәкурова һәм Алсу Габидуллина күңел җылысын биреп башкарган эшләре урын алды. Китапханәгә килүчеләр аларның иҗат җимешләрен хәйрия нигезендә сатып ала алачак.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Бадминтон буенча "Каләм сынавы"

6 декабрьдә Баландыш төп гомуми белем бирү мәктәбе командасы ТР гомуми белем бирү оешмалары укучылары арасында бадминтон буенча "Каләм сынавы" республика ярышларында катнашып, түбәндәге урыннарны яулады: өлкән төркем -1, кече төркем -2 урыннар. Шулай ук команда 17000 сумлык спорт инвентаре сатып алуга серификат алды. Тренерны (А.Ф. Заббаров) һәм бөтен команданы зур җиңүләре белән котлыйбыз , алга таба уңышлар телибез.

2025 елның 5 декабрендә Казан Кремленең Вәкиллек корпусында Коррупциягә каршы юнәлештәге иҗади конкурсларда җиңүчеләрне бүләкләү тантанасы булды.

Чарада безнең районнан 2 финалист катнашты, алар коррупциягә каршы кыйммәтләрне һәм хокукый грамоталылыкны пропагандалауга юнәлдерелгән инша һәм видеоролик тәкъдим иттеләр. Теләче урта мәктәбенең 2А сыйныфы укучысы Әхмәтвәлиев Данияр Илнар улы 2нче дәрәҗә җиңүчесе дип танылды, җитәкчесе Әскәрова Фирдәүс Мәснәви кызы, Олы Мишә урта мәктәбенең шулай ук 2нче сыйныфы укучысы Гайнетдинова Инзилә Илфат кызы 3нче дәрәҗә җиңүчесе булды, җитәкчесе Габдрахманова Гүзәл Габделхәй кызы. Укучыларга дипломнар һәм кыйммәтле бүләкләр тапшырылды. Балаларны чын күңелдән котлыйбыз һәм киләчәктә дә иҗатларында, укуларында уңышлар телибез!

4 декабрь көнне Баландыш төп гомуми белем бирү мәктәбенең 8-9 нчы сыйныф укучылары КИУ көллияте (В.Г. Тимирясов исемендәге Казан иннавация университеты) вәкилләре белән очрашты.

Лингвистика һәм мәдәниятара багланышлар факультеты деканы укыту эшләре буенча урынбасар Габдрахманова Алсу Сәмин кызы һәм фәнни эшләр буенча урынбасар Гаязова Алинә Алмаз кызы укучыларга һөнәри юнәлеш буенча мәгълүмат бирделәр. Укучылар видеопрезентация карадылар, сорауларга җавап бирделәр, фикер алыштылар. Белгечләр балаларны уку юнәлешләре, кабул итү кагыйдәләре, укыту үзенчәлекләре һәм уку йортының фәнни, иҗади, уку һәм оештыру эшчәнлегендә булган мөмкинлекләр белән таныштырдылар. Укучылар шулай ук уку процессы һәм киләчәктә эшкә урнашу перспективалары, иң популяр белгечлекләр һәм юнәлешләр турында тулы мәгълүмат алдылар. Очрашу кызыклы үтте.

ЯҢАЛЫКЛАРГА ЯЗЫЛУ