«Бер назлы сүз, мең дарудан көчлерәк».

2025 елның 10 декабре, чәршәмбе

Декабрь аеның башы традиция буенча инвалидлар декадасы буларак билгеләп үтелә, ул 3 декабрьдә үткәрелә торган Халыкара инвалидлар көненә багышлана. Әлеге изге декада уңаеннан Урта Мишә авылы китапханәсендә «Бер назлы сүз, мең дарудан көчлерәк» дип исемләнгән китап күргәзмәсе куелды. Күргәзмәдә язмыш сынауларына дучар булган, әмма үз иҗатлары белән күңелләргә тирән эз калдырган талантлы язучылар — Г. Сәгыйров, Ф. Яруллин, Р. Шәрипов, К. Шәфыйкова әсәрләре тәкъдим ителде. Бу китаплар тормышның мәгънәсен югалтмыйча, һәрвакыт өмет белән карарга өнди, күңелләрдә яктылык һәм көч уята. Аларның иҗаты — рухи терәк һәм күңелләрне җылытырга сәләтле изге чыганак.