«Татар орнаменты»

2025 елның 15 декабре, дүшәмбе

5 нче декабрь көнне Баландыш авылы китапханәсендә «Пушкин картасы» программасы кысаларында татар орнаментларын кулланып брошка ясау буенча «Татар орнаменты» исемле мастер-класс үткәрелде. Катнашучылар бу чарада татар милли орнаментының үзенчәлекләре белән тирәнтен таныштылар, аның символик мәгънәсен һәм мәдәни әһәмиятен ачтылар. Мастер-класс барышында һәркем үз куллары белән брошка ясап, милли бизәкләрнең матурлыгын чагылдырды. Милли татар бизәген йөртеп, кеше үз милләтен саклап калуга, үстерүдә зур өлеш кертә.