Ел саен гыйнвар аеның башында барлык китапханәләрдә укучыларны яңадан теркәү башлана, яңа елның беренче эш көннәрендә китапханәчеләр аларны һәрвакыт зур түземсезлек белән көтәләр. Шушы уңайдан, гыйнварның беренче көннәрендә Казаклар авылы китапханәсендә «Яңа ел белән, китап сөючеләр!» дип исемләнгән күңелле акция үтте. Әлеге чара китапханәгә яңа укучыларны җәлеп итүнең матур бер ысулы булып хезмәт итә. Моннан тыш китапханәдә «Китап укысаң - күңел агара!» дигән китап күргәзмәсе дә әзерләнде.