Муниципаль районнар Теләче муниципаль районы

Кыш - ул искиткеч ел фасылы, бу чорда бөтен кеше могҗизага ышана башлый

2026 елның 13 гыйнвары, сишәмбе

Бу ел фасылы вакытында барысы да искитекеч матур! Хәттә кышның салкыннары да яхшы, чөнки нәкъ менә алар туган йортларының җылысын, рәхәтлеген яратырга һәм кадерен белергә өйрәтәләр. Ә кышкы күңел ачулар ни генә тора? Елның бу вакытында табигатьне тасвирлау — чын ләззәт. 6 гыйнвар көнне Урта Мишә авылы китапханәсендә, клуб белән берлектә балалар өчен “Кыш Бабайга рәсемнәр” дип исемләнгән рәсем конкурсы оештырылды. Балалар үзләренең кыш турындагы фантазияләрен ак кәгазь битләренә ясадылар.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

гыйнвар, 2026 ел

«Олимпка юл»

2026 нче елның 11 нче гыйнварыннан 14 нче гыйнварына кадәр Теләче муниципаль районы укучылары Иске Җөри урта мәктәбенең укытучысы Хөсәенов Зиннур Зөфәр улы җитәкчелегендә инглиз теле буенча «Олимпка юл» дип исемләнгән республика олимпиадасының йомгаклау этабында катнаштылар.

#"ТукайныБергәләпУкыйбыз"

Теләче үзәк китапханәсе #"ТукайныБергәләпУкыйбыз" республикакүләм проектына кушылды. 15 гыйнвар көнне Габдулла Тукайның “Ай һәм Кояш” шигыре укылды. Әйе, бергәләшеп Тукай шигырьләрен укуыбыз, "Туган тел" җыры белән тәмамлануы - туган телебезне һәм бай мәдәниятебезне саклауга булган тугрылыгыбызның ачык дәлиле.

11 гыйнвар көнне Үзәк авыл китапханәсе «Сәламәтлек турында укыгыз» дип исемләнгән сәламәтлеккә багышланган кызыклы китап күргәзмәсе оештырды.

Күргәзмәдә дөрес туклану, спорт белән шөгыльләнү, гигиена кагыйдәләрен үтәү һәм авыруларны профилактикалау турында китаплар тәкъдим ителде. Үсмерләр үз сәламәтлекләрен саклау һәм ныгыту турында күп файдалы мәгълүмат алдылар. Балалар өчен шулай ук уен да үткәрелде. Әлеге чара үсмерләрне яңа белемнәр белән баетып кына калмады, ә сәламәт яшәү рәвешен алып барырга да этәргеч бирде. Китапханәче алынган белемнәр яшь укучылар арасында дөрес тормыш рәвеше сайлау өчен стимул булыр дип өметләнә.

Кыш кешеләр күңелендә иң якты тәэсирләр калдыра.

Кышкы табигать матурлыгыннан ләззәтләнеп, аңа композиторлар, рәссамнар, язучылар һәм шагыйрьләр мәдхия җырлыйлар. Айдар авылы мәдәният хезмәткәрләре укучыларга күңел җылысын бүләк итү өчен кыш турында иң матур һәм илһамландыргыч шигырьләр җыйды. Яңа ел бәйрәме көннәрендә, 9 гыйнвар көнне Айдар авыл китапханәсендә «Яңа ел шигырьләре кәрҗине» дип исемләнгән әдәби-шигъри марафон үткәрелде. Бу көнне марафонда катнашучылар Яңа ел, кыш турындагы матур шигырьләрне укыдылар.

ЯҢАЛЫКЛАРГА ЯЗЫЛУ