Максабаш балалар бакчасы янында кечкенә генә яшелчә бакчасы бар.

     Безнең Максабаш балалар бакчасы янында кечкенә генә яшелчә бакчасы бар. Бакчабызга йөрүче балалар өчен яшелчә бакчасы - хезмәт тәрбиясе бирү, аралашу, үзеңнең мөмкинлекләреңне белү һәм саф һавада булу урыны. Ә саф һава үз чиратында сәламәтлекне ныгыту  һәм  саклау. Яшелчә бакчасындагы хезмәтнең иң югары ноктасы – уңышны җыю. Балалар тәрбияче апалары белән бакчаны тәрбияләделәр: яшелчәләрне һәм чәчәкләрне утырттылар, сирәкләделәр, төпләрен йомшартып су сиптеләр. Аларның хезмәте бушка китмәде. Көзнең искиткеч матур көнендә балалар уңышны җыеп алдылар. Үз кулларың  белән үстергән яшелчәләрне җыю бигрәк күңелле!