Теләче муниципаль районы

Юлларда имин бул!

2015 елның 8 октябре, пәнҗешәмбе

Сонгы елларда юлларда машиналар агымы артканнан-арта.Статаистика күрсәткән мәгълүматлар буенча юл-транспорт һәлакәтләренең саны да күбәя. Юл һәлакәтендә дистәләгән баланың гомере өзелә, меңләгән бала тән җәрәхәте ала.Монда транспорт йөртүче өлкәннәрне генә дә гаепләп булмыйдыр, чөнки әлеге күңелсез хәлләр балаларның юл кагыйдәләрен белмәүдән дә килә. Юлларда дөрес йөрергә өйрәтү, игътибарлы булырга кирәклеген аңлату — балалар бакчалары, мәктәпләрнең һәм әти-әниләрнең төп бурычы булып тора. Әлеге аяныч хәлләрне булдырмауның төп юнәлеше – балаларга юл йөрү кагыйдәләрен инде балалар бакчасыннан ук өйрәтү. Бу турыда кирәкле мәгълүматларны, белемне, файдалы киңәшләрне, юлларда килеп чыккан катлаулы очракны чишәргә өйрәтү балалар бакчасы, мәктәпнең, әти-әниләрнең, тәрбиячеләрнең төп бурычы.Алай гына да түгел, балаларны юл йөрү кагыйдәләренә кече яшьтән өйрәтү–хәзерге заманның иң актуаль мәсәләләренең берсе булып тора.

Бу көннәрдә Теләченең беренче номерлы бакчасына “Татарстан Республикасы юл хәрәкәте иминлеге фәнни һәм гомуми белем бирү программаларын финанслау дирекциясе”енән килгән әйдәп баручы специалист Динар Закиров килеп, юл йөрү кагыйдәләрен өйрәтеп, төнлә белән киемдә яктырту чаралары булырга тиешлеген аңлатып, куркынычсызлык каешы куелмаганда, балалар өчен махсус утыргычлар булмаганда нинди аяныч хәлләр булырга мөмкинлеге турында видео- сюжетлар күрсәтеп, юлда велосипедта һәм җәяү йөргәндә ничек хәрәкәтләнергә кирәклеге турында мастер- дәрес күрсәтеп китте.

БАРЛЫК ЯҢАЛЫКЛАРНЫ УКУ