Теләче муниципаль районы

3нче балалар бакчасы тәрбиячеләре үзләрендә тәрбияләнүчеләрне юлларда үзеңне имин тоту нигезләренә өйрәтүне мөһим дип саныйлар.

2015 елның 15 октябре, пәнҗешәмбе

3нче балалар бакчасы тәрбиячеләре үзләрендә тәрбияләнүчеләрне юлларда үзеңне имин тоту нигезләренә өйрәтүне мөһим дип саныйлар. Занятиеләрдә нәниләр юл әлифбасын өйрәнәләр, ә үткән материалны ныгыту өчен юлның хәрәкәт булган өлешендә үз-үзеңне имин тотуга багышланган төрле чаралар уздыралар. 3нче балалар бакчасында уртанчылар төркеменнән башланып балаларның яшенә туры китереп юл йөрү иминлеге почмаклары булдырылган. Балалар бакчасы фойесында да бүлмә оештырылган, андда балалар авыл һәм шәһәр урамнарында кечкенә һәм зур йортлар, юл һәм тротуар турында белемнәр туплыйлар, “урам” һәм “юл” төшенчәләрен аералар. Уенчык машиналар белән уйнап, җиңел һәм авыр йөк транспортын аерырга өйрәнәләр, транспортта үз-үзеңне тоту кагыйдәләре белән танышалар, юл аша чыкканда юлда иң мөһим әйбер булып светофор торуын беләләр. Сюжетлы-рольле уеннар вакытында балалар юлның хәрәкәт булган өлешен дөрес итеп үтеп чыгарга өйрәнәләр, алда үзләрен нәрсә көтүе турында җәяүлеләрне һәм машина йөртүчеләрне кисәтүче юл билгеләре турында беләләр. Балалар бакчасында баланың урамдагы реаль тәҗрибәсе аның әти-әнисенең кайда яшәвенә, аларның нинди транспорт төреннән файдалануына, балалар бакчасының өйдән еракта булу-булмавына һәм баланың анда ни рәвешле килеп җитүенә бәйле. Еш кына бала өлкәннәрнең үз-үзләрен тотышын хәтеренә сеңдерә, чөнки юлны әти-әнисе белән бергәләп аркылып чыга. Өлкәннәрнең исләренә шуны төшерәсе килә: кагыйдәләрне бозмагыз, чөнки балагызның сәламәтлеге һәм тормышы шуңа бәйле. Кагыйдә-ләрне, тапкырлау таблицасын яттан белгән кебек, белеп кенә калмагыз, аларны һәрвакыт үтәгез! Моны балаларыгыз да көн саен күрсен.

БАРЛЫК ЯҢАЛЫКЛАРНЫ УКУ