2 март көнне Бөтендөнья язучылар көне уңаеннан Әбде авыл китапханәсендә «Очарование забытых книг» дип аталган ретро-күргәзмә эшләнде. Элек барлык укучылар тарафыннан да яратылып укылган, хәзер онытыла башлаган китапларны әле дә китапханәләрдә табарга була. Алар тормыш, кешеләр арасындагы мөнәсәбәтләр, совет кешеләренең батырлыклары турында. Бу китаплар күптән язылган булсалар да, үзләренең кыйммәтләрен югалтмаганнар.