“Бездә бүген Тукай көне”

21 нче апрель көнне Баландыш мәдәният йортында татар халкының бөек шагыйре Г.Тукайның тууына  130 ел тулу уңаеннан “Бездә бүген Тукай көне” дип исемләнгән шигырь бәйрәме уздырылды. 1-4 нче сыйныф укучыларына  Г. Тукай тормышына һәм иҗатына багышланган викторина сораулары куелды. Балалар 2 командага, “Былтыр” һәм “Су Анасы” командаларына бүленеп, бирелгән сорауларга бик оста һәм җитез җаваплар бирделәр. Кичә ахырында укучылар шагыйребез Г. Тукайның шигырьләрен сәхнәдә сәнгатьле итеп сөйләделәр.