Марафон.

15 май көнне Казан шәһәренең  “Казань Арена” спорт корылмасы кабаттан Татарстанның спорт тормышы үзәгенә әйләнде – биредә “Казан марафоны-2016” уздырылды. 8819 йогерешче 4 дистанциядәүз көчләрен сынады – 3,10,21 һәм 42 чакрымда. Марафонда дөньяның 38 иленнән вәкил катнашты, шул исәптән Бөекбритания, Германия, Латвия,Чехия һәм Эстония илләреннән.

Татарстан Президенты Р.Миннеханов, Премьер-Министр И.Халиков,  РФ Президенты киңәшчесе Г.Онищенко һәм популяр җырчы Вера Брежнева да әлеге марафонның 3 чакрымлы  дистанциясендә катнашты. Алар белән бергә тагын 3 меңнән артык йөгерешче әлеге чакрымнарны бергә йөгерде. Теләче районыннан спортчылар да марафонда катнашып, 3 чакрымда уңышлы чыгыш ясап кайтты: 23-34 яшьлек ир-атлар арасында (барлыгы 343 кеше) Илнур Хәмидуллин 135 нче, Артем Галеев 136 нчы урында. Шушы ук яшь аралыгындагы хатын-кызлар арасында  (580 кеше) Айгөл Имамиева 100 нче урын яулады.  Гомуми нәтиҗәләр буенча безнең спортчылар иң көчле беренче 500 йөгерешче арасына керүгә иреште.