15 октябрьдә Айдар авылы китапханәсе Пенза балалар һәм яшүсмерләр өлкә китапханәсе оештырган «День Лермонтовской поэзии в библиотеке» дип исемләнгән төбәкара акциягә кушылды.

Әлеге акция кысаларында китапханәдә шагыйрьнең  тормыш юлын һәм иҗатын яктырткан  «Мятежный парус Лермонтова» исемле күргәзмә эшләде, шагыйрь тормышының күренекле фактларын, мөһим этапларын яктырткан «Михаил Юрьевич Лермонтов» дигән буклет  тәкъдим ителде, папка тупланды, китапханәченең  сөйләве слайдлар белән үрелеп барды. Чарада катнашучылар тарафыннан «К гению», «К Сушковой», «Смерть поэта», «Сосед», «Выхожу один я на дорогу...», «Парус», «Узник» дигән шигырьләр яңгырады. Балалар Лермонтовның профессиональ язучылар укуында тавыш һәм видеоязмаларын тыңладылар.