Теләченең беренче номерлы балалар бакчасында бик матур итеп “Көзге бәйрәм” уздырылды.

Анда икенче кечкенәләр һәм мәктәпкә әзерлек төркеменә йөрүче балалар катнашты.

...Бәйрәмчә бизәлгән залга кинәт кенә Көзбикә йөгереп керде. Ул үзе белән табышмаклар һәм күптөрле уеннар алып килгән. Балалар бик тырышып табышмакларга җаваплар эзләделәр, кунакка үзләренең һөнәрләрен күрсәттеләр: рус һәм татар телләрендә җырладылар, көз турында шигырьләр сөйләделәр. “Кояш һәм яңгыр”, “Бакчада әйлән-бәйлән” уеннарыннан да берәү дә читтә калмады. Бәйрәм соңында Көзбикә балаларны тәмле алмалар белән сыйлады.