Муниципаль районнар Теләче муниципаль районы

“Ул кабызган утлар балкышы”

2016 елның 30 ноябре, чәршәмбе

29 ноябрь көнне Казан шәһәрендә бөек драматург, режиссёр, артист Кәрим Тинчуринның тууына 129 ел тулуга һәм Татар театрының 110 еллыгы уңаеннан Республика мәктәпләре арасында “Ул кабызган утлар балкышы” дип исемләнгән фестиваль- конкурс булып узды. Безнең Баландыш төп мәктәбе укучылары Галләмов Морат, Җаббаров Адель, Нәҗипов Зөлфәт башлангыч сыйныф укытучысы Сафина А.Ә. җитәкчелегендә “Кандыр буе” әсәреннән Әмәк белән Шәмәк җыры белән “Җырлы мизгел” номинациясендә III урын алып, диплом һәм истәлекле бүләккә ия булдылар. Аларны бу җиңүләре белән котлыйбыз һәм киләчәктә дә иҗади уңышлар телибез!

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Эшмәкәрләр өчен "Ачык ишекләр көне" акциясе турында

Үз эшчәнлеге турында белешмәләрнең ачыклыгын һәм үтемлелеген арттыру максатларында 2026 елның 9 апрелендә 12.00 сәгатьтән 16.00 сәгатькә кадәр «Роспотребнадзор» ның Татарстан Республикасы буенча идарәсе республика территориясендә идарәдә һәм 12 территориаль идарәдә эшкуарлар өчен бердәм "Ачык ишекләр" көне оештыра.

март, 2026 ел

24-26 март көннәрендә Кукмара шәһәре «Созвездие-Йолдызлык» фестиваленең зона этабын кабул итеп, чын талантлар сәхнәсенә әверелде.

Бу иҗат бәйрәме үз гөмбәзләре астына осталыкларын күрсәтергә әзер 1000 нән артык яшь талантны җыйды. Катнашучылар арасында Балалар иҗат үзәгендә тәрбияләнүчеләр аерым урын алды. «Сюрприз» үрнәк хореография коллективы һәм «Асылташлар» коллективы үзләренең дәртле биюләре белән тамашачыларның һәм жюри әгъзаларының йөрәкләрен яулап алдылар. Аларга җырчылар Рәхимова Әминә һәм Нурмөхәммәтов Солтан да кушылды. Аларның көчле тавышлары һәм тирән эчтәлекле башкарулары беркемне дә битараф калдырмады, вокал сәнгатенең югары дәрәҗәсен күрсәтте.

26 март көнне Теләче районына эшлекле сәфәр белән Россия Герое - Рәсим Баксиков килде.

Ул “Киләчәк” яшьләр үзәгендә эшләп килүче түгәрәкләр эшчәнлеге белән танышты. Аны Теләче балалар китапханәсендә “Смешарики” кызыксындыру клубына йөрүче мәктәпкәчә яшьтәге балалар каршы алды.

«Эко-киләчәк: яшел һөнәрләр»

2026 елның 26 мартында Шәдке балалар бакчасы базасында «Эко-киләчәк: яшел һөнәрләр» район конкурсы булып узды, ул экология һәм табигатькә сакчыл караш белән мавыгучылар өчен мөһим вакыйгага әверелде. Әлеге бәйгедә Теләче 3нче номерлы балалар бакчасында тәрбияләнүчеләребез катнашты.

ЯҢАЛЫКЛАРГА ЯЗЫЛУ