Балаларда сизү органнарының үсеше бик интенсив рәвештә бара.
Кечкенә яшьтәге баланың барлык яклап камил үсешен сенсор үсеш тәшкил итә. Әйләнә-тирәдәге чынбарлыкны тулы кабул итүгә юнәлдерелгән сенсорика буенча шөгыльләр дөньяны танып белүнең нигезе булып торалар.
Балаларда акыл, физик эстетик тәрбиянең алга китеше иң беренче чиратта сенсорик тәрбиянең үсешенә бәйле: ул ни дәрәҗәдә күрә, ишетә һәм сизә. Көндәлек тормышта бала төрле төсләр белән очраша. Бу аның яраткан уенчыклары һәм әйләндереп алган предметлар. Шул ук вакытта бала сәнгать әсәрләрен: картина, сыннарны күрә, музыка ишетә, ләкин бу белемнәрне кабул итү, үзләштерү олылар ярдәменнән башка гына булса , аның тәэсире аз була. Менә шушы вакытта сенсор тәрбия ярдәмгә килә дә инде - бер-бер артлы, тәртипкә салынган кешелек дөньясының сенсор культурасы белән таныштыру. Балаларның яшь үзенчәлекләренә карап, тәрбияче төсләрне, формаларны, зурлык билгеләрен өйрәтә. Шуның нәтиҗәсендә балаларның игътибары ныгый, хәтере,фикерләү сәләте яхшыра.