Бүген, безнең Теләченең беренче номерлы бакчабызда, шөгыльләр юл йөрү кагыйдәләренә, аларны тагын бер кат искә төшереп үтүгә, белгәннәрне ныгытуга багышланды.

Килгән кунакларыбыз да бар иде, алар- ГБУ “БДД” Казан шәһәренең Саба районы бүлеге җитәкчесе Закиров Д.Р. һәм район мәгариф бүлегендә  мәктәпкәчә белем  һәм тәрбия бирү методисты Саетова А.Н. Мәктәпкә әзерлек төркеме балалары “Яшел ут”, ә зурлар төркеме балалары “Балалар бакчасына юл” темасына төрле чаралар уздырдылар.  Әлеге чараларның максаты бик җитди: балаларны юл билгеләрен аера белүне, юлда хәвефсезлек кагыйдәләрен өйрәтүне дәвам итү; юлларда күзәтүчәнлекне, игътибарлыкны, мөстәкыйль фикерләүне үстерү; урамда, җәмәгать транспортында, торак зоналарда үз-үзеңне тоту мәдәниятен тәрбияләү.Бәйрәмгә чакырылган кунак –Закиров Д.Р. балаларга җәяүлеләрнең юлда  йөрү үзенчәлекләрен, транспортта үз-үзеңне тоту күнекмәләрен тагын бер кат искә төшерде, соңыннан истәлекле бүләкләр тапшырды һәм “Аркадий Паровозов” дигән  тәрбияви мультфильм карап, шуның буенча нәниләр белән әңгәмә уздырды.