Олы Мәтәскә балалар бакчасында бәйрәм иртәсе әниләр һәм әтиләр белән берлектә үтте. Кичә "Гаилә бәхете - балада" дип аталды. Гаиләләр үзара тапкырлыкта, җитезлектә, осталыкта, сәнгатьтә көч сынаштылар. Балалар әниләренә, әтиләренә изге теләкләрен, яратуларын шигырь, җыр , бию аша җиткерделәр. Кичә ахырында балалар үз куллары белән ясаган бүләкләрен иң кадерле кешеләре - әниләренә тапшырдылар.