ЯҢАЛЫКЛАР
Язучы Николай Васильевич Гогольнең тууына 216 ел тулу уңаеннан, 1 апрель көнне Әбде авылы китапханәсендә «Мин беләм, минем исемем миннән бәхетлерәк булачак...» дип исемләнгән чара үткәрелде. Анда бөек язучының тормышы һәм иҗаты турында видеопрезентация күрсәтелде. Н.В. Гоголь рус әдәбиятына һәм мәдәнияте үсешендә зур роль уйнаган бөек һәм үзенчәлекле язучыларның берсе. Китапханәче укучыларны Н.В. Гогольнең иҗаты һәм фаҗигале язмышы белән таныштырды. Чарага «Гогольнең әдәби дөньясы» дигән китап күргәзмәсе әзерләнде, анда китапханә фондыннан Николай Васильевичның иң танылган әсәрләре тәкъдим ителде.
Халыкара театр көне - сәхнә осталарының профессиональ бәйрәме генә түгел, ул миллионлаган тамашачыларның да бәйрәме. Театр – милләт язмышының һич тутыкмас көзгесе ул. Бик күп еллар дәвамында татар милләтенең рухын, телен, әхлагын саклап һәм үстереп, безне бербөтен халык итеп тотучы татар театры һичшиксез, олы ихтирамга, чиксез мәхәббәткә лаек.
2025 елның 31 март көнне Теләче муниципаль районы ҖЧҖ «Агролак» хуҗалыгында тракторларга хәм арбаларга дәүләт техник карау уздырылды.
Үз эшчәнлеге турында белешмәләрнең ачыклыгын һәм үтемлелеген арттыру максатларында 2025 елның 10 апрелендә 12.00 сәгатьтән 16.00 сәгатькә кадәр «Роспотребнадзор» ның Татарстан Республикасы буенча идарәсе республика территориясендә идарәдә һәм 12 территориаль идарәдә эшкуарлар өчен бердәм "Ачык ишекләр" көне оештыра.
Бу театр сәнгате эшлеклеләренең һөнәри бәйрәме. Әлеге көн уңаеннан, 29 март көнне Урта Мишә авылы китапханәсендә, клуб белән берлектә «Сез кабызган утлар һаман янар» дип исемләнгән күргәзмә оештырылды. Күргәзмәдә театр тормышында тирән эз калдырган легендар артистларга багышланган китаплар, мәдәният һәм сәнгать тормышын яктыртучы «Сәхнә» журналы тәкъдим ителде. Шулай ук, якташларыбыз - Алмаз Фәтхуллин, Харис Хөснетдинов, Роберт Галиев, Илнар Низамиев иҗатына багышланган альбомнар да куелды.
Тарихы ерак гасырларга барып тоташкан шахмат уены бүген дә үзенең популярлыгын югалтмый. Язгы каникул көннәрендә балаларның ялын файдалы да, күңелле дә итеп оештыру максатында мәдәният өлкәсендә күп төрле чаралар оештырыла. Мәсәлән, Олы Мишә авылы китапханәсендә шәһәрдән кайткан балалар өчен шахмат - шашка уеннары үткәрелде. Авылыбызда бу уен белән мавыгучылар артканнан арта. Бу очраклы түгел, чөнки безнең мәктәптә уку елы дәвамында шахмат почмагы эшли. Уенның бу төре белән укучылар дәресләр арасындагы тәнәфесләрдә шөгыльләнәләр.
Бу бәйрәм шигъри сүзнең матурлыгын һәм аның һәр кеше тормышындагы әһәмияте зур булуын искә төшерә. Поэзия йөрәкләрне илһамландырырга, юатырга, яктыртырга һәм берләштерергә сәләтле. Әлеге көн уңаеннан, Олы Мишә авылы китапханәсендә «Пушкин картасы» проекты кысаларында шигъри квиз үткәрелде, анда урта сыйныф укучылары катнашты.
«Балалар һәм яшүсмерләр китабы атналыгы» һәм «Китапханәле каникул» тәмамланып килә, бу атнага йомгак ясап, 28 март көнне Шармыш авылы китапханәсендә «Китап – сер, китап – хәзинә, китап – балаларның иң яхшы дусты» дип исемләнгән әдәби уен үткәрелде. Чара «Белмим нәрсә, шуны укы» китап күргәзмәсен караудан башланды, анда рус халык һәм дөнья халыклары әкиятләре тәкъдим ителде. Уен барышында балалар әдәби ил буйлап сәяхәткә чыктылар, «Әкият»тә кунакта булдылар, рус язучыларының әкият геройлары турындагы табышмакларны чиштеләр, рифмалар төзеделәр, шигырьләр искә төшерделәр. Әлеге чара бик кызыклы һәм мавыктыргыч булып узды, балалар әдәби уеннан уңай хис-кичерешләр алдылар.
28 март көнне Урта Мишә авылы мәдәният хезмәткәрләре махсус хәрби операциядә катнашучы, бүгенге көндә туган якка кыска вакытлы ялга кайткан егетләр: Шингарев Рәхимҗан һәм Шарипов Айнур белән очрашу үткәрделәр. Егетләр үз алдына куелган бурычны батырларча намус белән үтиләр. «Туган якта якыннарыбыз белән күрешү шатлыгы безгә көч бирә», - ди алар. Ә без исә, сугышның тизрәк төгәлләнүен, егетләребезнең туган якларына, якыннары янына исән-сау әйләнеп кайтуларын көтеп калабыз.
28 март көнне Иске Җөри авыл модель китапханәсендә Балалар китабы атналыгы кысаларында мәктәпкәчә яшьтәге балалар өчен татар халык әкиятләре буенча әкияти сәяхәт үткәрелде. Әкиятләр-ул тылсымлы дөнья, анда хыяллар, хәтта иң ышанмаслыклары да, һичшиксез чынга аша, анда яхшылык һәрвакыт явызлыкны җиңә. Әкиятләрне иң күп белүчеләр, әлбәттә, балалар. Китапханәчеләр балаларны «әкият» төшенчәсе һәм әкият төрләре белән таныштырдылар, беренче әкиятләрнең ничек барлыкка килүе, аларны кем язуы турында сөйләделәр һәм яшь укучыларга әкият битләре буйлап сәяхәт итәргә һәм яраткан геройларында кунакта булырга тәкъдим иттеләр.