ЯҢАЛЫКЛАР
13нче декабрь көнне безнең Баландыш төп мәктәбендә "Нәрсә? Кайда? Кайчан? интеллектуаль уен - ярышы үтте. Укучылар өчен кызыклы биремнәр һәм сораулар әзерләнгән иде , аларга җавап итеп балалар үзләренең белемнәрен берничә өлкә буенча күрсәтә алдылар: “Танып белү үсеше», «Сөйләм үсеше», «Социаль-коммуникатив үсеш», «Физик үсеш».
1993 елның 12 декабрендә кабул ителгән Төп закон Кешене, аның гражданлык хокукларын һәм демократик ирекләрен иң зур хәзинә дип игълан итте. Конституция Россиянең, социаль дәүләт буларак, федератив корылышы нигезләрен законнар белән ныгытты, аның прогрессив үсешенең хокукый нигезен булдырды, җәмгыять үсешенең яңа сәхифәсен ачты, гражданнар арасында татулыкны һәм үзара аңлашуны саклап калу өчен ныклы терәк булды. Шул уңайдан Иске Җөри авылы китапханәсендә «Основной закон нашей жизни» исемле темага күргәзмә ясалды, мәгълүмат сәгате үтте. Шуннан соң мавыктыргыч викторина узды, анда укучылар Конституция һәм хокукый нормалар турындагы белемнәрен күрсәтә алдылар. Викторина мәсьәләләре гражданнарның хокуклары һәм бурычлары, дәүләт структурасы һәм җәмгыять тормышында Конституциянең роле кебек төрле аспектларны үз эченә алды. Катнашучылар сорауларга актив җавап бирделәр, фикер алыштылар һәм үз фикерләре белән уртаклаштылар.
Шул уңайдан, Алан авылы китапханәсендә "Тукта, коррупция!» дип исемләнгән мәгълүмат бирү сәгате үткәрелде. Чараның максаты-укучыларда үз гамәлләре өчен җаваплылыкны үстерү, дәүләт законнарын үтәү кирәклеген аңлау, шулай ук актив тормыш позициясен формалаштыру кебек төшенчәләр булдыру иде. Балалар «коррупция» төшенчәсе белән таныштылар. Икътисад һәм хокук сүзлегендә сүзнең билгеләмәсен табып укыдык. Балаларга аңлаешлы булу өчен танылган балалар әсәрләре буенча өзекләр укырга тәкъдим ителде. «Коррупциягә ЮК дип әйтик " видеоролигы балаларга тормышта барысы да акча белән эшләнмәвен, һәрвакытта да намуслы булып калуның мөһимлеген тагын бер кат төшенергә ярдәм итте. Балалар үзләренең көрәш чараларын тәкъдим итеп, хокук саклау органнарының явызлык бозуларны бетерү эшенең никадәр катлаулы булуын аңладылар.
1993 елның 12 декабрендә халык тарафыннан кабул ителеп, шул елның 25 декабреннән гамәлгә керде. Конституция – дәүләтнең төп кануны – Россиядәге барлык хокукый системаның үзәге булып тора һәм барлык законнарның мәгънәсен, эчтәлеген ача. Илебез гражданины өчен Конституция – беренче чиратта белү тиешле закон ул. Әлеге мөһим көн уңаеннан Югары Кибәхуҗа авылы китапханәчесе китап укучылар белән “Конституция һәм мин” дип исемләнгән танып белү сәгате уздырды.
Әлеге көнне бәйрәм итү кысаларында Айдар авыл китапханәчесе Россия Федерациясе Конституциясе көне, аның тарихы, гимны турында мәгълүмат тупланган буклетлар өләшү буенча акция үткәрде. Бу акциянең максаты-дәүләт законнарын, гражданлык позициясен үтәүнең һәм хокукый аң булдыруның, хокукый культура күнекмәләрен үзләштерүнең мөһимлеге турында күзаллау формалаштыру, гражданлык инициативасын һәм гражданлык җаваплылыгын үстерү.
Ел саен 12 декабрьдә илебез илдәге төп бәйрәмнәрнең берсен - Россия Федерациясе Конституциясе көнен - югары юридик көчкә ия һәм законнарның нигезе булып торучы дәүләтнең төп законын билгеләп үтә.
Конституция - дәүләтнең төп законы - Россиянең бөтен хокук системасының үзәге булып тора һәм башка законнарның мәгънәсен һәм эчтәлеген билгели.
Әлеге истәлекле көн уңаеннан Теләче үзәк китапханәсендә «Конституция – төп закон» дигән китап күргәзмәсе оештырылды, анда Россия Федерациясе Конституциясе, хокук һәм Россия тарихы буенча кодекслар һәм дәреслекләр тәкъдим ителде.
9 декабрь көнне Үзәк авыл китапханәсендә урта һәм өлкән сыйныф укучылары белән "Коррупция. Коррупцияне җиңеп буламы?" дип исемләнгән чара узды. Чара башында укучылар коррупциянең нәрсә булуы, аның нинди төрләрдә чагылуы һәм бу тискәре күренешнең нәрсәгә китерүе турында тыңладылар. Аннары без коррупциягә каршы көрәш турында фикер алыштык. Чара ахырында балалар коррупция турында интеллектуаль -танып белү викторинасын узды.
10 декабрь көнне Айдар авыл китапханәсендә мәдәният йорты белән берлектә, ветераннар советы, авыл җирлеге хезмәткәрләре, авылыбыз имамы катнашында 1921-1924 елларда Татарстан Үзәк Башкарма комитеты рәисе булып эшләгән танылган якташыбыз Рәүф Сабировның тууына 130 ел тулу уңаеннан “Авылымның данлы шәхесе” дип исемләнгән искә алу чарасы оештырылды.
Ул —мөнәҗәтләр. Мөнәҗәтнең асылында ялгызлыкта үз-үзең белән сөйләшү. Мөнәҗәтләрнең тәрбияви мәгънәсе зур, чөнки бу жанр үз эченә бик күп кыйммәтле темаларны туплаган. Туган-үскән илдән аерылу, ана һәм бала мөнәсәбәтләре, дөньяга караш, дөнья малына табыну, яшәү һәм үлем... Мөнәҗәт жанрына искелек калдыгы, кичәге көн, кирәкмәс бер нәрсә итеп карау зур хаталык икәнлеген һәрвакыт искә төшереп тору зарур. Бу жанр зур фәлсәфи, тәрбияви әсәр. Монда безнең тормышка карашыбыз, җаныбыз, рухыбыз бик ачык чагыла. Безнең имгәнгән җаныбызга, рухыбызга мөнәҗәт дигән дәва һич артык булмас. Олы Мәтәскә авылы мәдәният хезмәткәрләре 11 декабрь көнне “Үзәкләрне өзә моңнары”дип исемләнгән мөнәҗәтләр уку кичәсе үткәрделәр. Бу күркәм чарада “Җәүһәр” клубына йөрүче ханымнар катнаштылар. Алар мөнәҗәтләр көйләделәр.